Apostolmi 21:27 - Sümi Tiqhelimi Bible

²⁷ Kughou atsala akütsüniu ashekha shive niye akeno, Asia bocho lono ighi kemi Jewmi khami no achineki lo Paul ithuluve. Panongu no aqokitikhi kümtsü xukutho püzü pa küghaluve,

BAIBEL (BSI)

²⁷ Atsala tsuni hu shikhani chekelo, Asia yeghiqhalo Judamino Paul no achinekilo aghikeu ithulu. Tipaqono timi kumzapu akeqo xukutho puzu Paul tsuquluveno ighamuku pi,

Sumi Naga CL (Re-edited) Bible (BSI)

²⁷ Atsala tsüni toni kiche lono, Paul no achineki lo aghikeu Asia lo Jewmi no ithuluve no aqokitikhi kümtsü xukuthope Paul tsüqü luve no

Apostolmi 21:27 Mawu Ofanana

Luke 21:12

“Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 14:5

Tile Jewmi ngò Jewkumomiqo no panonguw sakiphemiqo sasü kümqüve no apostolmi pama ghimeqhi püzü atu pesü veqhi nikeu shi püghüe.

Apostolmi 16:6

Asia bocho lo atsakiviu kütsü pemo nike Aghungu Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue.

Apostolmi 17:13

Ikemu kughou Jewmi Thessalonica lo akemiqo no Paul no Alhou tsa pesü Berea lo kütsü ani ipi chilu keno, panongu khami no tilau ghí wu no timiqo shikughutho eno aküpüna shipe niye panongu xukuthoe.

Apostolmi 18:12

Kughou Gallio no Achaia qhalo Rommiw Angh shi akeno, Corinth lo Jewmiqo küqha no Paul kügha pesü küghaki lo sasü ighi.

Apostolmi 2:9

Parthiami, Mediami, eno Elamitemi, Mesopotamia lo kungomi, Judeami eno Cappadociami, Pontus eno Asia,

Apostolmi 20:19

I lachile chekemi Jewmi no amqü jeli shi no paküta keu shi I peju ake dolo ghí ni ye anhezü-piji mütshaivü Ampeu qe acheke.

Apostolmi 24:11

Nono mülalei phuluve nani ke, hi atsala chighí kinia shi ani, I no Alhou mülá niye Jerusalem lo iqho ke.

Apostolmi 24:18

Panongu no I no achineki khala lo hipau shi aghí keu ithulu kelo ni ye chine-chini ye kiqi lono I shikimtheve no ake. Tilehi timi aqokitikhimu I gholo küha momu ni ye khiuala aküpüna lomu chhosümoe.

Apostolmi 26:21

Tighenguno Jewmi khami no achineki khala lono I küghaluve eno I pìthíve niye pükapütsa ke.

Apostolmi 4:3

Panongu no Peter ngò John pama küghaluve, eno avelau shive kehu, thoghiu tsalà tomo ke kutólo akughuki lo sǘve.

Apostolmi 5:18

Panongu no apostolmiqo küghaluve no mìshí kughuki lo khathave.

Apostolmi 6:12

Panongu no timiqo, kichimiqo eno ayeza kükütsümiqo xukuthove. Panongu no Stephen küghaluve no Jewmi Hoho zülo sasü ighi.

Apostolmi 6:9

Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.

2 Kor. 11:26

ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.