Apostolmi 21:13 - Sümi Tiqhelimi Bible

¹³ Ikelo Paul no khochile, “Nongu ye kushiye anhezü-piji eno I mlo shikighimeve tsü ani kea? Ni ye I tsüghaluve pe keu likhi kumo püzü Jerusalem lo Ampeu Jisü je ghenguno thiveni ke kutò pe anie.”

BAIBEL (BSI)

¹³ Ikemu Paul no ishi ningu khochile, “Nonguye kiu shiepi hitoi shi puzu imlo shikighimetsu kya? Kughengu niye Ampeu Jisu je ghenguno Jerusalem lo akughushi ke likhi kumono thive nikeu kutolo khe anie.”

Sumi Naga CL (Re-edited) Bible (BSI)

¹³ Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

Apostolmi 21:13 Mawu Ofanana

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 20:37

Panongu no pa valuve eno pa müma no kümtsü qau khave.

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

Apostolmi 9:16

I je ghenguno pa ye khijehi ime moayesa keno I no pa pìye nani.”

1 Kor. 15:31

Ni ye tsalà kipetsü akithí sholu acheni—iyei, tishimu ni ye kuchou no ningu Mpeu Khristo Jisü lono nongu lau kiu mülave tsü akeno tipau ghenguno I kijuvilei acheni ke.

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

FILIPIAMI 2:26

Kughengu pa ye nongu kümtsü kümsü ani eno nongu no pa no sǜ akeu ghili chiluve keu ghenguno pa ye ighono amlosa ani.

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

2 Tim. 1:4

O nhezü kümsüchilelu no ni ye O sasü kusho nishikütü ani, tishianguno ni ye alokiqi no chhitoilu niye ke.

2 Tim. 4:6

Kughengu ni ye atsaiji leqhipe mülá nikeu lakhi toi ikhiphe pe tsüvae, eno I küxü kishekhave nikeu do ye kupunúvae.

2 Peter 1:14

kughengu I no ithi akeu no ningu Mpeu Jisü Khristo no I vilo mütsümishei pìyeve ketoi, ni ye ado kushuwa kumo lo hipaqo akou qhive nani.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.