Apostolmi 20:32 - Sümi Tiqhelimi Bible

³² “Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

BAIBEL (BSI)

³² “Itehiye Alhou no nongu hiju penikeulo eno pawu kupukini tsape shikeulo nongu pesu ino kulhuqhi anie. Pa tsape shikeu huno nongu xaqhelu nani eno paw shiluvekemiqo gholo nongu mheghi ighilu penani.

Sumi Naga CL (Re-edited) Bible (BSI)

³² Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 20:32 Mawu Ofanana

Mark 10:17

Jisü no aghüzüla lo wuve niye kutò kemtsa timi lakhi pa lau po ighino iqi pa gizülo qhoqhünheluve. Eno pa no ishi iniju, “Akükütsüu akiviu, lhokta küxü ithulu nikeu ghenguno ni ye kiu shi moayesa kea?”

John 15:3

I no nongu vilo pive keu tsa vechewo nongu ye mitheluvae.

John 17:17

Kuchou vechewo panoqo shikimthe tsülo kughengu O tsa ye kuchou ke.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 14:23

Paul ngò Barnabas pama no akukuho atsütsǜ lo panongu ghenguno kichimiqo süküsü shitsü, eno akighini gholo kümvü keu vechewo panongu no pükhübe chekeu Mpeu lau kulhuqhive tsü.

Apostolmi 14:26

Attalia lono pama ye ashuka lono Antioch lo idewove, tile no pama kümlà mülaqhiluve keu ghenguno Alhou’w küpükini lo kulhuqhive tsülu.

Apostolmi 14:3

Ike Paul ngò Barnabas pama ye ado kushuwa tilehi ngo no Ampeu ghenguno akumto shi pia, eno pama no küpükini kükütsü tsape shikeu kimchitsü akeu shi Ampeu no pama pelo amichipu eno akümzapu kümlàqo shilu pe.

Apostolmi 15:40

ikemu Paul ye Silas kisheluve no küpülümiqo no pama Ampeu’w küpükini lo kulhuqhive tsü no cheve.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 6:10

küpkami na alakiminemi na shokümzümi na kütami pipütha chekemi na pishiqhi chekemi namu Alhou kükaphu ighí mülae.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Ephesiami 1:14

hu ye ningu mheghi ithulu nani pütsá ipikeu kimchikütsüu ke. Tiye khunoqo no Alhou’w timiqo keno tipaqo xachilelu moke kutólo ke. Ningu pa juküvü sheqheni nolo.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Ephesiami 4:16

Pa lau no aphimpi kuchopu kimepe eno tsüghaküqha pesü ani eno anhü tshüpüa keu hu no aphimpi kuchopu kimelu anipe ke. Kughou aphi-au lakhi-khi lo kiu shikepu keno shi aghí aye kimiye keu vechewo aphimpi kuchopu thuwulu cheni eno xaqhepukulu cheni.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

Kolosiami 1:12

eno Apù khuu no nongu pelo aküvü kükaphu lo paw akimthe timiqo gholo amheghi küsajelu penike nongu pelo aküzüpu shilu pe keno alokiqi shikimthi pesü pa tsü ani.

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

Kolosiami 3:24

kughengu nongu ye Ampeu lau no qesaxu mheghi ithulu nani kepi nongu no ithi anike. Nongu no qe akeu hu ye Ampeu Khristo ke.

IBRIMI 10:14

Kughengu pa ye aghakishi lakhi vechewo khunoqo pe akimthe shivea keno panongu ghenguno alhokupuju ghenguno kupukülaive tsüke.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

IBRIMI 2:11

Ikemu Jisü khuu no timiqo akimthe shive tsü eno khunoqo akimthe shivea keno panongu ye akibo lakhi ke. Ikehu Jisü ye panongu vilo athiküzümi eno achelimiqo ipi kuni keu kujove chemoe.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani:

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,