Apostolmi 2:9 - Sümi Tiqhelimi Bible

⁹ Parthiami, Mediami, eno Elamitemi, Mesopotamia lo kungomi, Judeami eno Cappadociami, Pontus eno Asia,

BAIBEL (BSI)

⁹ Ninguye Parthiami, Mediami, Alammi, Mesopotamia kudaumi, Judia ngo Kapadokiami, Pontu ngo Asiami,

Sumi Naga CL (Re-edited) Bible (BSI)

⁹ Ningu ye Parthiami, Medemi, Elammi, eno Mesopotamia, Judea ngo Cappadocia, Pontus ngo Asia lo kungomi,

Apostolmi 2:9 Mawu Ofanana

Apostolmi 16:6

Asia bocho lo atsakiviu kütsü pemo nike Aghungu Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue.

Apostolmi 18:2

Tilehi Paul no Pontus nó ghami Aquila ipikeu Jewmi lakhi sasü kusholu. Aquila ghí tipau dolo no pa nipu Priscilla sasü Italy lono ighi ae, kughengu Qhasükükau Claudius no Jewmi kümtsü vilo Rome phughi qhive no chevelo pi azah tsüke. Paul no pama pütsa niye wu,

Apostolmi 19:10

Ampe kini kutólo Paul no hitoi shi ache, tishi keu vechewo Asia bocho lo xü akemi Jewmiqo ngò Greekmiqo kümtsü pelo Ampeu tsa chilu peniye ke.

Apostolmi 19:27

Ike akümsapu akeu ye, ninguw lhidi hipau lo aju-aje küsa sholu nikeu likhi kumo no akiqheu lhouliu Artemis chineki hu ghí aju-aje küsa shiveni cheni, eno lhouliu khuu Asia bocho lo eno ayeghiqha kümtsü no mülá cheni keno li küká jekipi ghí shipühave tsüní chenie.”

Apostolmi 19:31

Tipau bocho lo Paul küsàmiqo kijemi khami ghí pa pelo züphu-zügha ghiliqa lo wutsü pemo nike qhüiniju keu tsa pi puwu.

Apostolmi 2:8

Tishiaye kíshi no ningu ye panongu no nizá tsau no piakeu chilu ani kea?

Apostolmi 20:16

Paul ye Ephesus vechesü wuve no mighisü Asia yeghi bocho lo ado peve ngomove no tokulupu shi aye Pentecost tsalà tomphi lono Jerusalem toluve niye shi ake.

Apostolmi 20:18

Kughou panongu no ighi keno, Paul no panongu vilo pi, “I no Asia bocho lo ighike tsalà atüghiu lono itehi kutólo kíshi nongu gholo xü acheni keno nongu ampi no ithi ani.

Apostolmi 20:4

Berea lono ighi keu Pyrrhus nu Sopater, Thessalonica lono ighi keu Aristarchus ngò Secundus pama, Derbe lono ighi keu Gaius eno Asia bocho lo ache kemi Timothy, Tychicus ngò Trophimus ishi no Paul gholo wue.

Apostolmi 21:27

Kughou atsala akütsüniu ashekha shive niye akeno, Asia bocho lono ighi kemi Jewmi khami no achineki lo Paul ithuluve. Panongu no aqokitikhi kümtsü xukutho püzü pa küghaluve,

Apostolmi 24:18

Panongu no I no achineki khala lo hipau shi aghí keu ithulu kelo ni ye chine-chini ye kiqi lono I shikimtheve no ake. Tilehi timi aqokitikhimu I gholo küha momu ni ye khiuala aküpüna lomu chhosümoe.

Apostolmi 27:2

Ningu ye Adramyttium lono ighi keu zükilu lo ikuve eno tiye Asia bocho lo wu niye shi akehu ningu ye azüghi lono cheve. Aristarchus khuu Thessalonica lono ighi eno Macedoniami keno pa ghí ningu gholo cheke.

Apostolmi 6:9

Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.

Apostolmi 7:2

Stephen no khochile, “Athiküzümi eno apùnoqo, I tsa inilo! Ningu papù Abraham no Harran lo wo xü mphi züu Mesopotamia lo ngo aphi lono ajuküvü Lhou no pa lau ipeghi pìye ke.

Rommi 16:5

Pama ki lo kuho chekemiqo vilo ghí petha tsülo. I no kimiye chekeu I küsàu Epenetus petha tsülo. Asia bocho lo pa paghi no Khristo pülüluve ke.

1 Kor. 16:19

Asia bocho lo akukuhouqo no petha nongu tsüpuwu ani. Aquila ngò Priscilla pama no Ampeu je lono petha nongu tsü ani, eno titoi panongu ki lono kuho chekemiqo no petha nongu tsü ani.

2 Kor. 1:8

Athiküzümi eno achelimiqo, ningu no Asia bocho lo aküküpüna puju-shiju akeu nongu pelo mtha no ape nishimoe. Ningu no puqhe kümlapú shi shishe ningu munudaqhi ke, tishikehu ningu ye xü nani kepi pülümove.

2 Tim. 1:15

Asia bocho lo timi kümtsü no I qhive keu nono ithi ani. Tipau gholo Phygelus ngò Hermogenes pama ghí I qhive ke.

1 Peter 1:1

Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea