Apostolmi 2:42 - Sümi Tiqhelimi Bible

⁴² Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

BAIBEL (BSI)

⁴² Panonguno Apostolmino kutsukeu ngo kuposhukeulo eno kuposhukeu ghulhu ngo akighini lono ado peitha ae.

Sumi Naga CL (Re-edited) Bible (BSI)

⁴² Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

Apostolmi 2:42 Mawu Ofanana

Luke 24:30

Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

Luke 24:35

Ikehu pama no alà lo che kelo kiu shive eno Jisü no asho süpho ke lono pama ye kíshi Jisü michilu keno lhepe pìye.

Apostolmi 1:14

Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 20:11

Tisheno pa no itaghi aki jolha kunguu iku püzü kuposhukulu ghulhu küsaje chuve. Tsüthomo ke kutólo pa no atsapia püzü tisheno pa ye cheve.

Apostolmi 20:7

Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.

Apostolmi 4:23

Peter ngò John pama ye kuqhopheve kethiu idechilesü panow timiqo lau wuve eno achinetou ngò kichimiqo no pama vilo kiu pi keno kümtsü pesü panongu vilo lhepiyeve.

Apostolmi 4:31

Panongu no akighini shive kethiu, khilehi panongu no kuho akeno tipau-a sükinie. Eno panongu kümtsü Aghungu Kimthe no chhitoive no amlo kumto shi Alhou tsape shie.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

1 Kor. 10:21

Nongu ye Ampeu jikhu lo ghí sho püzü tüghamiqo jikhu lo ghí shomlae; nongu ye Ampeu ghulhu lo ghí küsaje püzü tüghamiqo ghulhu lo ghí küsaje mülae.

1 Kor. 11:2

Ni ye nongu akishé tsü ani, kughengu nongu no thowkha kümtsü lo I kümsülu eno I no akükütsü tsaqo pekishe süwo nongu lau tsü keu toi nongu no tipaqo pape ke.

1 Kor. 14:6

Athiküzümi eno achelimiqo, I no nongu lau ighino amili kithé lono pinamu I no nongu lau piyeküsü momu akighithi momu tungkuptsa momu kichekütsü tsa kiuala süghilumo aye ni ye nongu ghenguno kiu alá shilu nani kea?

Galatiami 1:6

Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae—

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Ephesiami 6:18

Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

FILIPIAMI 1:5

tiye nongu no atüghiu tsalà lono ishi kutólo atsakiviu kümlapù lo kütünaküqha keu ghenguno ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

2 Tim. 3:14

Ikemu O ghengu ye nono kiu ithivea eno pülübeluvea keno tipau pape chelo kughengu no ye khunoqo lau tipaqo shikalu keno nono ti ithi anike,

IBRIMI 10:25

kümtsa kusho chekeu phevemoni, kughengu timi khami ye alhoaye shi ighi chemo ke, ikemu lakhi no lakhi shikumto kileni—eno tinguno alau nongu no ithulu akeu toi Ampeu Tsalá hu ye kupunú wochae.

IBRIMI 10:39

Ikemu ningu ye khunoqo no athiu idewove no kütsave cheni keno tipaqo laumi kumoe, ikemu ningu ye aküpülü aghí no xaluve kemiqo ke.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,