Apostolmi 2:33 - Sümi Tiqhelimi Bible

³³ Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

BAIBEL (BSI)

³³ Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Sumi Naga CL (Re-edited) Bible (BSI)

³³ Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:33 Mawu Ofanana

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 24:49

I pù no kiu piqhipüani keno I no nongu lau puwu nani. Ikemu nongu ye kunguu no aküka nongu shou ikughi moke kutólo mishighüna lo ngo aghílo.”

John 14:16

I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—

John 14:26

Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

Apostolmi 1:4

Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhi kevilo, ikemu I pù no aghò tsüní ipi piqhipüa keu ngokhe lo. I no aghò tipau ghili piche keu nongu no chiluvea.”

Apostolmi 10:45

Jewmi küpülümi Peter gholo ighi kemiqo ye Jewkumomiqo shou ghí Aghungu Kimthe lepuku tsü aghí keu ithulu no akichiqhive.

Apostolmi 2:17

“ ‘Alhou no pi, ashekha tsalaqo lo I no I Ghungu pesü timi kümtsü shou lepuku nani. Nongu nu eno angáqo no tungkupu tsa pi nani, nonguw lhothemiqo no kungunhetsü ithulu nani, nonguw muchomiqo no asamo jeli pumó nani.

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Galatiami 3:14

Abraham lau kükümgha tsüpüa keu Khristo Jisü vechewo Jewkumomi kümtsü lau ighílu penike ghenguno pa no ningu xachilelu ke, tishi keu lono ningu pelo aküpülü vechewo piqhipüa keu Aghungu Kimthe ithulu peniye ke.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Ephesiami 4:8

Hi ghenguno ishi pipüani: “Kughou pa no qhemghai keu lo ikuve keno, pa ye akughumi kutomo sawu eno Aghungu ghòqo pesü paw timiqo tsüke.”

Titus 3:6

eno ningu Xakuluu Jisü Khristo vechewo Alhou no kupukuno shi ningu shou Aghungu Kimthe lepuku tsüke,

IBRIMI 10:12

Ikemu kughou achineu hipau no alhokupuju ghenguno axinéqo ghakishi lakhi pe Alhou mülá keno, pa ye Alhou u ajeu küdau iqave ke,

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.