Apostolmi 19:26 - Sümi Tiqhelimi Bible

²⁶ Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

BAIBEL (BSI)

²⁶ Nongu ampino chilu eno ithuluve ake, Efesia lo likhi kumono Asia yeghiqha kumtsulo Paul ipikeu hipauno timi kumzapu musu kughuzuvae. Pano pikeuno timi u-no mlakeu lhouye khilemu alhou kumoe pi pie.

Sumi Naga CL (Re-edited) Bible (BSI)

²⁶ Nongu no chilu eno ithulu anike Ephesus lo likhi kumono Asia kümtsü lo, hi Paul no au no mlakeu lhouqo ye khilemu alhou kumoe pino timi kutomo züiza sawuvae.

Apostolmi 19:26 Mawu Ofanana

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 17:29

“Ningu ye Alhou nuli-kughukomi ke ghenguno ningu ye ithukümlau Lhou ye ameshoyi momu ghükayi momu atu pesü timi süqekithi no shitsa shi mülà keu julho toi küghashi kümsü kepu kumoe.

Apostolmi 18:19

Panongu no Ephesus lo ighi eno Paul ye Priscilla ngò Aquila pama tile qhive no wuve. Paul ampi ye synagog lo ilo no Jewmiqo sasü küptsa-kiqiju ae.

Apostolmi 19:1

Kughou Apollos no Korinth lo akeno Paul ye alaghi akushuu küdau lono Ephesus lo ighi. Tile pa no küpülümiqo khami kusholu

Apostolmi 19:10

Ampe kini kutólo Paul no hitoi shi ache, tishi keu vechewo Asia bocho lo xü akemi Jewmiqo ngò Greekmiqo kümtsü pelo Ampeu tsa chilu peniye ke.

Apostolmi 19:25

Ikehu Demetrius no akümlàmi eno tipau lhidi shi chekemiqo kümtsü ku kumqo püzü ishi pi, “I küsàmiqo, nongu no ithi anike, ningu ye lhidi hipau lono kutomo alá shilu achenie.

1 Kor. 12:2

Nongu no ithi akeu no nongu no Jewkumomi shi ache kelo kishikela shi püzü nongu sasü atsa pimla keu julho lhouqo lau saküghüzü sawuve pe cheke.

1 Kor. 8:4

Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

Galatiami 4:8

Atüghi lo kughou nongu no Alhou mtha no ache keno nongu ye alhoaye lono alhou kumo kemiqo qüaxe shi acheke.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

Piyeküsü 9:20

Püsa hipaqo no pithímove keu timi thaqhü ye panongu u no mülà keu kümlà ghenguno xaidemo ke; panongu ye tüghami mülá nikeu, eno ameshoyi, ghükayi, alazayi, atu eno asǜ no mülà keu ajulho lhou mülá tamo ke. Ajulho lhou hipaqo ye ithulu chemo momu alà chelu chemo ke.