Apostolmi 18:5 - Sümi Tiqhelimi Bible

⁵ Kughou Silas ngò Timothy pama no Macedonia lono ighive keno, Paul ye ado kümtsü ikhiphe no kütsü eno Jewmiqo vilo Jisü ye Messiah kepi ashepe shiae.

BAIBEL (BSI)

⁵ Kughou Sila ngo Timothi pamano Makedonia kudauno ighive keno, Paul ye ado kumtsu atsa hu pe asheshu ae, Judamiqo vilo Jisu ye Khristo kepi ashepe shie.

Sumi Naga CL (Re-edited) Bible (BSI)

⁵ Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 18:5 Mawu Ofanana

Luke 12:50

Ikemu ni ye baptiz shikepu ani eno hipau shiluve moke kutólo ni ye kütakihi ani.

Luke 16:28

kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’

John 1:41

Andrew no thime atüghiu shikeu ye pamu Simon phu no pa vilo, “Ningu ye Messiah phuluvae” (tiye Khristo ke), ipi ke.

John 10:24

Tilehi Jewmi akemiqo no pa homüxaluve no pi, “No ye ado khitohi ningu pelo avehu küghüzü shi apeni kea? Tsalá nono Messiah shi aghí aye mütsümishei ningu vilo pilo.”

John 15:27

Eno nongu ghí I shepe shi moayesa nani, kughengu nongu ye abothu lono I gholo ake.”

John 3:28

I no, ‘Ni ye Messiah kumoe ikemu ni ye pa züu no puwu ke,’ ipikeu nongu likhi nongu no ashepe shilu nani.

Apostolmi 10:42

Pa no ningu vilo atsakiviu timiqo lau kütsü lo ipi azah tsü eno küxümi ngò kithimi shou küghaküthau shipe niye Alhou no süküsü shikeu hu ye pa ke ipi ashepe shilo pike.

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

Apostolmi 16:1

Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke.

Apostolmi 16:12

Tile no ningu ye kicheghüzü shisü Rommi no qhasü pe akeu eno Macedonia tokukujo lo mishighüna atüghiu Philippi ipikeu lo wue.

Apostolmi 16:9

Putho shi ake dolo kungunhetsü lono Paul lau Macedonia lono timi lakhi puthugho no pa qhüiniju, “Macedonia lo ighino ningu kuphu tsülo.”

Apostolmi 17:3

eno Messiah ye ime moayesave keu eno akithí lono xülethuve keu ghili phukideküdai pesü hepho-piye tsü. Paul no, “Hi Jisü khuu pesü I no nongu vilo piani keno pa ye Messiah ke,” ipie.

Apostolmi 18:28

Kughengu pa no aqha zülo kighe kelo akumto shi Jewmi pa lachile akeqo gheqhilu, eno Jisü ye Messiah kepi Kuchoyesü lono kimchi tsüke.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 20:23

I no ithi akeu ye mishighüna kümtsü lo akughu shini keu eno shiluküsa chekeu pesü Aghungu Kimthe no I kütüghü anie.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 4:20

Ningu ghengu ye ningu no kiu ithulu eno chilu keno tipau ghili pimo keu shimlae.”

Apostolmi 9:22

Ikemu Saul ye alau shi mutotoi kitheve no Damascus lo Jewmi küghüna akemiqo phiküghüzü ghi Jisü ye Messiah kepi kimchitsü.

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

2 Kor. 11:9

Eno I no nongu gholo akelo kiuala avehupu shive keu ghenguno ni ye timi khumu shipüna püamoe, kughengu Macedonia lono athiküzümi ighi kemiqo no I no kiu avehupu shi keno tsüve cheke. Ni ye I likhi I pesü kiu laghi lonomu nongu shipünamo ke eno ni ye tishi ache nani.

2 Kor. 5:14

Kughengu Khristo kikimiye no ningu tshüpe anie. Timi lakhi no kümtsü ghenguno thive ke, ikehu timi kümtsü aqau küxü lo ye thivae ipi ningu no pülü cheni.

FILIPIAMI 1:23

Ni ye hiküma dolo tsakibi pe anie: Ni ye aküxü hipau qhive no Khristo gholo auve nishi anie, tipau pavi kuchou ke;

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

1 Thes. 3:6

Ikemu Timothy ye itehi no anileshi ningu lau ighi ani eno nongu küpülü eno kikimiye vehu lo asütsa kivi pesü ighi anie. Pa no ningu vilo pikeu no nongu ye alhokuthu lono ningu kümsüpivi acheni eno ningu no nongu sasü kusholu nishi akeu toi nongu ghí ningu sasü kusholu nishi ani ipi ke.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.