Apostolmi 17:5 - Sümi Tiqhelimi Bible

⁵ Ikemu Jewmi kütamiqo ye anheshuve; eno alhikishi-a qhalo lahilaza chekemi khami ku kumqo no mtomushu loji hekütsü püzü mishighüna qhalo muqhu thuve. Panongu no akimighi shi wu püzü Jason ki süholuve no Paul ngò Silas pama phusawo aqo-aho zülo sawu niye shi.

BAIBEL (BSI)

⁵ Ikemu Judami no anheshuve eno alaghilalo lahilaza chekemi khami kukumqo eno amqo shi hekutsu puzu aphughi qhalo akupuna vesu eno Jeson ki suholuveno Paul ngo Sila pama phusawo aqo aho zulo sawuniye shi.

Sumi Naga CL (Re-edited) Bible (BSI)

⁵ Ikemu Jewmi no anheshuve, eno alaghila lo kixikilami khami hekütsü no mishighüna lo hekibide huthu, panongu no pama phusawo aqokitikhi zülo saghi niye ilo Jason ki lhethu.

Apostolmi 17:5 Mawu Ofanana

MATTHEW 27:18

Kughengu panongu no panonguw lüthü lá ghenguno Jisü pesü pa u lo phesü püakeu pa ye ithi ake.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 17:13

Ikemu kughou Jewmi Thessalonica lo akemiqo no Paul no Alhou tsa pesü Berea lo kütsü ani ipi chilu keno, panongu khami no tilau ghí wu no timiqo shikughutho eno aküpüna shipe niye panongu xukuthoe.

Apostolmi 17:6

Ikemu kughou panongu no pama phumlave keno Jason ngò küpülümi khami sünhe sasü tipau phughi lo ayekipemiqo zülo wu no ishi ighamuku: “Ayeghiqha kümtsü lo aküpüna xukutho akemi timi hipaqo hilau ighi ani,

Apostolmi 17:7

eno Jason no panoqo pelo pa ki lo ngo pe anie. Panongu kümtsü no akükau kütau lakhi Jisü ipikeu ani pi no Caesar yeza khü ani.”

Apostolmi 17:9

Tisheno panongu no Jason ngò kütamiqo shou asüchuve no puwuve.

Apostolmi 18:12

Kughou Gallio no Achaia qhalo Rommiw Angh shi akeno, Corinth lo Jewmiqo küqha no Paul kügha pesü küghaki lo sasü ighi.

Apostolmi 19:40

Ishí kiu shivea keno hipau vechewo ningu ye muqhumüza ani ipikeu lono ningu akipimí tsüve kepu kümsapu lo auvea. Tipau kiqi lo, ningu ye mubumghu akepu kiumu akiqi kühae, eno ningu ye kiu ghenguno keno kiumu piluni chemoe.”

Apostolmi 7:9

“Kughengu apù-asüqo no Joseph ju anheshuve ke ghenguno pa pesü Egypt lo aqüaxemi lakhi toi jesüve. Ikemu Alhou no Joseph gholo ae

Rommi 16:21

I gholo mülà küqha chekeu Timothy no paw petha nongu tsüpuwu ani eno titoi I küsàmi Jewmi Lucius, Jason eno Sosipater ghí panonguw petha tsüpuwu ani.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

2 Kor. 11:26

ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.

Galatiami 5:21

eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.

Galatiami 5:26

Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

James 4:5

Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?