Apostolmi 17:13 - Sümi Tiqhelimi Bible

¹³ Ikemu kughou Jewmi Thessalonica lo akemiqo no Paul no Alhou tsa pesü Berea lo kütsü ani ipi chilu keno, panongu khami no tilau ghí wu no timiqo shikughutho eno aküpüna shipe niye panongu xukuthoe.

BAIBEL (BSI)

¹³ Beria lo ghi Paul no Alhou tsa pesu kulha aniepi kughou Thesalonia lo Judamiqono chilukeno, panonguno tilau ghi ighi puzu timiqo mlo shipusatsu eno xukutho.

Sumi Naga CL (Re-edited) Bible (BSI)

¹³ Ikemu Berea lo ghi Paul no Alhou tsa pikülha anie pi Thessalonica lo Jewmi no chilu kelo, panongu no tilau ghi ighi no aqokitikhi kiteqhi eno xukutho thuve.

Apostolmi 17:13 Mawu Ofanana

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

Luke 12:51

Nongu ye ni ye ayeghi lo külakishi süghi niye ighi küghashi kümsü ani keshea? Moe, I no nongu vilo pìní, ni ye kijetha keu süghi niye ighike.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 17:1

Kughou Paul eno pa küsàmiqo no Amphipolis ngò Apollonia phu vechesü ighi keno panongu no Thessalonica lo Jewmi’w synagog akeu lo ighi.

Apostolmi 17:10

Putho shive kemtsa küpülümiqo no Berea lo Paul ngò Silas pama puwuve. Pama no ti tolu kelo Jewmi’w synagog lo iloe.

Apostolmi 17:5

Ikemu Jewmi kütamiqo ye anheshuve; eno alhikishi-a qhalo lahilaza chekemi khami ku kumqo no mtomushu loji hekütsü püzü mishighüna qhalo muqhu thuve. Panongu no akimighi shi wu püzü Jason ki süholuve no Paul ngò Silas pama phusawo aqo-aho zülo sawu niye shi.

Apostolmi 20:4

Berea lono ighi keu Pyrrhus nu Sopater, Thessalonica lono ighi keu Aristarchus ngò Secundus pama, Derbe lono ighi keu Gaius eno Asia bocho lo ache kemi Timothy, Tychicus ngò Trophimus ishi no Paul gholo wue.

Apostolmi 21:27

Kughou atsala akütsüniu ashekha shive niye akeno, Asia bocho lono ighi kemi Jewmi khami no achineki lo Paul ithuluve. Panongu no aqokitikhi kümtsü xukutho püzü pa küghaluve,

Apostolmi 6:12

Panongu no timiqo, kichimiqo eno ayeza kükütsümiqo xukuthove. Panongu no Stephen küghaluve no Jewmi Hoho zülo sasü ighi.

2 Kor. 11:26

ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.