Apostolmi 16:31 - Sümi Tiqhelimi Bible

³¹ Pama no khochile, “Ampeu Jisü shou pülübe lo, tishiaye no eno O kibolomi kümtsü xaluve nanie.”

BAIBEL (BSI)

³¹ Pamano ishi pi, “Ampeu Jisu shou pulubelo tishi aye no eno okibolomi xaluve nani.”

Sumi Naga CL (Re-edited) Bible (BSI)

³¹ Pama no pi, “Ampeu Jisü shou pülübe lo eno no eno o kibo ghi xaluve nani.”

Apostolmi 16:31 Mawu Ofanana

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

Apostolmi 15:11

Tishi kepu kumoe! Ampeu Jisü’w küpükini vechewo panongu xalu ketoi ningu ghí xalu kepu pülü cheni.”

Apostolmi 16:15

Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi ipi ikhilu tsü aghí aye I ki lo ighino ngo lo.” Eno li no puloniqhiyi ningu sasüe.

Apostolmi 16:32

Tisheno pama no Ampeu tsa pesü pa eno pa ki lo akemi kütami kümtsü vilo pie.

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 4:12

Xakulu ye khuu lau nomu ithulu chemoe, kughengu atsütsǘ qholo ningu timi jeli pelo xakulu ithulu penike aje kütau kiumu tsüpe püamoe.”

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Rommi 11:16

Tsalá asho kukunu amsüu pesü akümlagho shitsü keu no akimthe shi aghí aye asho kukunu kupuju akimthe ke; eno tsalá asübo kuhu no akimthe shi aghí aye alokaqo ghí akimthe ke.

Galatiami 3:14

Abraham lau kükümgha tsüpüa keu Khristo Jisü vechewo Jewkumomi kümtsü lau ighílu penike ghenguno pa no ningu xachilelu ke, tishi keu lono ningu pelo aküpülü vechewo piqhipüa keu Aghungu Kimthe ithulu peniye ke.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,