Apostolmi 16:1 - Sümi Tiqhelimi Bible

¹ Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke.

BAIBEL (BSI)

¹ Paul no akukuhou xuju susu Derbia ngo Lustra lo ghi ighi. Puluchekemi lakhi paje Timothi ipi puzu tile ache. Paza ghi kupulumi eno Judami ikemu papuh ye Grikmi ke.

Sumi Naga CL (Re-edited) Bible (BSI)

¹ Paul no Derbe ngo Lystra lo ghi ighi. Akhopemi lakhi, Timothy ipikeu, aza no Jewmi küpülümi eno apu no Greekmi, tile aghi.

Apostolmi 16:1 Mawu Ofanana

Apostolmi 14:1

Thosülo toi Paul ngò Barnabas pama ye Iconium lo Jewmi’w synagog lo wu. Tilehi pama kükütsü kivi vechewo Jewmi ngò Greekmiqo kutomo no pülüluve.

Apostolmi 14:21

Pama no mishighüna tipau lo atsakiviu pesü kütsü püzü timi kutomo pelo küpülümi shiluve pe. Tishive no pama ye Lystra ngò Iconium küdau no Antioch lo ideghive,

Apostolmi 14:6

Ikemu pama no ti ithive no Lycaoniamiw mishighünaqo, Lystra ngò Derbe eno tipaqo sükümxa lo pove,

Apostolmi 17:14

Küpülümiqo no akimighi shi azüghi küdau Paul puwuve, ikemu Silas ngò Timothy pama ye Berea lo ngove.

Apostolmi 18:5

Kughou Silas ngò Timothy pama no Macedonia lono ighive keno, Paul ye ado kümtsü ikhiphe no kütsü eno Jewmiqo vilo Jisü ye Messiah kepi ashepe shiae.

Apostolmi 19:22

Pa no pa kuphu chekemi Timothy ngò Erastus pama Macedonia lo puwuve püzü pa ye Asia bocho lo ado khami ngove.

Rommi 16:21

I gholo mülà küqha chekeu Timothy no paw petha nongu tsüpuwu ani eno titoi I küsàmi Jewmi Lucius, Jason eno Sosipater ghí panonguw petha tsüpuwu ani.

1 Kor. 16:10

Kughou Timothy ighini keno, pa no nongu gholo akelo pa pelo kiumu msà pe kevilo, kughengu pa ghí I toi Ampeu ghenguno mülà acheni ke.

1 Kor. 4:17

Hi ghenguno I no Khristo lono kimiye chekeu eno pülübe chekeu I nu Timothy nongu lau puwuva ke. Pa no nongu vilo I no Khristo Jisü pape ghi xü chekeu ghola nongu vilo pikithe nani. Tino aqha kuchopu lo eno akukuhou kümtsü lo I no kiu kütsü cheni keno tipau gholo kimshilu nani.

1 Kor. 7:14

Kughengu aküpülü küha keu akimi hu ye pa nipu küpülü vechewo Alhou lau ikhikulupu shini ake, eno titoi aküpülü küha keu anipu hu ghí li kimi küpülü vechewo Alhou lau ikhikulupu shini ake. Tishimo aye nongu nuliqo ye akimthe kumomi shini ake, ikemu tishilu keu vechewo panongu ye Alhou lau ikhikulupu shini ake.

2 Kor. 1:1

Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

FILIPIAMI 1:1

Khristo Jisü qeu Paul ngò Timothy pama no, Khristo Jisü vechewo Philippi lo Alhou’w akimthemiqo eno panongu gholo jukükütsümi eno aghinimiqo kümtsü lau yèlu ani:

FILIPIAMI 2:19

Ampeu Jisü shou lajukibe shi no ni ye kighithe no nongu lau Timothy puwu niye shi ani, tishianguno nongu ghili sütsa chilu no ni ghí alovilu niye ke.

Kolosiami 1:1

Ni Paul, Alhou pulou vechewo Khristo Jisü’w apostolmi lakhi, eno ningu thiküzüu Timothy no,

1 Thes. 1:1

Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

1 Thes. 3:6

Ikemu Timothy ye itehi no anileshi ningu lau ighi ani eno nongu küpülü eno kikimiye vehu lo asütsa kivi pesü ighi anie. Pa no ningu vilo pikeu no nongu ye alhokuthu lono ningu kümsüpivi acheni eno ningu no nongu sasü kusholu nishi akeu toi nongu ghí ningu sasü kusholu nishi ani ipi ke.

2 Thes. 1:1

Yesǜ hipau ye Paul, Silas eno Timothy no, Ningu Papù Alhou eno Ampeu Jisü Khristo lono Thessaloniami kukuhou lau yèlu ani:

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

1 Tim. 1:2

Timothy khuu aküpülü lono I nu kuchou keno pa lau yèlu ani: Apù Alhou eno ningu Mpeu Khristo Jisü lau no küpükini, kimiyekini eno aloino keu nongu tsü ani.

2 Tim. 1:2

I no Kimiye chekeu nu Timothy lau yè ani: Apù Alhou eno ningu Mpeu Khristo Jisü’w küpükini, kimiyekini eno aloino keu O tsü peniu.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

Philemon 1:1

Khristo Jisü tsakiviu pikülha keu ghenguno akughu shi akeu Paul eno ningu thiküzüu Timothy lau no, Ningu no kimiye chekeu aküsàu Philemon eno mülà küqha akemi lau—

IBRIMI 13:23

Ningu thiküzüu Timothy ye khaqhiphevea kepi ni ye nongu pelo ithive penishi ani. Tsalá pa no kighithe ighive aye, ni ye nongu sasü kusho nike pa gholo no ighi nani.