Apostolmi 15:9 - Sümi Tiqhelimi Bible

⁹ Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

BAIBEL (BSI)

⁹ Ningu ngo panoqo dolo Alhou no kumu kothakilekeu shitsumo; eno panoqono pulukeu vechewo pano panongu xine pevetsuae.

Sumi Naga CL (Re-edited) Bible (BSI)

⁹ eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

Apostolmi 15:9 Mawu Ofanana

Apostolmi 10:15

Asütsa hu no ghuthu akiniù pa vilo pi: “Alhou no shikimtheve keqo lakhimu kitiqevea ipi kevilo.”

Apostolmi 10:28

Pa no timiqo vilo pi: “Nongu kümtsü no akivishi ithi anike ni yeza kiqi lo ye Jewmi lakhi ye Jewkumomi ki lo iloghi kepu kumo momu Jewkumomi gholo kutubo kepu kumoe. Ikemu ni ye timi khumu pesü mithemo momu kitiqevea ke ipi kepu kumoe pi Alhou no I piyesüvae.

Apostolmi 10:34

Tile Peter no ishi pithu: “I no itehi no vethalu akeu ye Alhou ye timi kümtsü aphiphi shi peitha acheni ipikeu ye kiutoi kuchou

Apostolmi 11:12

Aghungu Kimthe no I vilo panongu gholo wuni keu künacho kevilo ipi. Joppami athiküzümi pano tsügho ghí I gholo wue, eno ningu Cornelius ki lo ilo.

Apostolmi 14:1

Thosülo toi Paul ngò Barnabas pama ye Iconium lo Jewmi’w synagog lo wu. Tilehi pama kükütsü kivi vechewo Jewmi ngò Greekmiqo kutomo no pülüluve.

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 3:9

Tishiaye ningu Jewmiqo ye kütami nguno akiviu ke ipi pìní keshea? Khilemu tishimoe! Kughengu ningu ye Jewmi ngò Jewkumomi kinikujo axiné küká qholo anike ipi ngukuvea ke.

Rommi 9:24

Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 7:18

Timi lakhi ye kughou pa kulù keno pa ye aphighüyiko ghave no akeshea? Pa ye aphighüyiko ghamo kemi shive kepu kumoe. Timi lakhi ye kughou pa kulù keno pa ye aphighüyiko ghamo no akeshea? Pa ye aphighüyiko ghave kepu kumoe.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

Kolosiami 3:11

Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.