Apostolmi 15:32 - Sümi Tiqhelimi Bible

³² Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

BAIBEL (BSI)

³² Juda ngo Sila pama ghi tungkupumi kehu atsa kutomo pesu pi puzu athikuzumi hakitekile eno panongu shikumtotsu.

Sumi Naga CL (Re-edited) Bible (BSI)

³² Judas ngo Silas pama ghi tungkupmi kehu atsa kutomo pesü pino küpülümi hakite eno shikumto tsü.

Apostolmi 15:32 Mawu Ofanana

MATTHEW 23:34

Tighenguno I no nongu lau tungkupumi, alokütsümi eno shikükamiqo puwu nani. Panongu khami nongu no pìthíve nani eno kros lo yedave nani; kütami khami nongu no synagogqo lono heqhi nani eno mishiphu lakhi lono lakhiu kutólo hakuqoqhi nani.

Luke 11:49

Hi ghenguno Alhou no pa lokütsü lono pivae. ‘I no panongu lau tungkupumi ngò apostolmiqo puwu nani eno khami pìthíve eno khami pishi-puju nani.’

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 11:27

Hipa ghuloki lo Jerusalem lono tungkupumi khami Antioch lo iqighi.

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 15:1

Timi khami no Judea lono Antioch lo iqighi no hitoi küpülümiqo kütsüe: “Moses no nongu kütsü keu kukhuaye kiqi lono aphighüyiko-küghá shimo aye nongu ye xamlae.”

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

Apostolmi 15:27

Tighenguno ningu no yèsü kiu ye ani keno akichi tsa lono mütsümishei shive niye Judas ngò Silas puwu ani.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 15:31

Timiqo no yèsü philu kelo panongu shikumto keu kükütsü tsa ghenguno alokivishive.

Apostolmi 15:41

Pa no Syria ngò Cilicia qhalo wu no akukuhouqo shikumto tsüe.

Apostolmi 18:23

Paul ye Antioch lo ado hami ngove kethiu Galatia ngò Phrygia qhalo a-a lakhi lono lakhi lo kicheghüzü shi wu no küpülümiqo kümtsü shikumto tsüe.

Apostolmi 2:40

Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.”

Apostolmi 20:2

Pa no tipa qhalo kicheghüzü shi wu püzü timiqo lau shikumto keu tsa kutomo pitsü, eno ashekha lo Greece lo ighive no

Rommi 12:6

Alhou no ningu kümtsü lau küpükini tsüpüa keu kiqi lono ningu kümtsü aghò kütüta anie. Tsalá aghò O tsüpüa keu no tungkupu tsa pi kepu shi aghí aye, O küpülü aghí keu qhemi lono tungkupu tsa pi moayesa;

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

1 Kor. 14:29

Tungkuptsa kipími ghí timi kini momu küthü no pi moayesa eno kütamiqo no kiu piani keno tsaqütsalei huju moayesa ke.

1 Kor. 14:3

Ikemu timi khuu no tungkuptsa pi cheni keno pa ye timiqo xaqhepuku, shikumto eno alokughuno tsü nikeu ghenguno pi cheni.

1 Kor. 14:32

Alhou tsape shini kemi nguagha ye akipiu no alikhi aghasükulupu shikepu ke.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

1 Thes. 2:11

Kughengu nongu no ithi akeu toi, apù lakhi no pa nuliqo tucho akeshi ningu ye nongu lakhi-khi tucho püani ke.

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

1 Thes. 5:20

Tungkuptsaqo thaigha kevilo

2 Thes. 3:12

Timi hitoi keqo ye kithikiyi xüwuve no panongu no chu kepu chuqupu ghenguno mülà moayesa kepi ningu no Ampeu Jisü Khristo lono hakite ghi azah tsü ani.

1 Tim. 2:1

Tishiaye I no atüghishi nongu qhüiniju akeu ye timi kümtsü ghenguno inikhu tsülo. Panongu kümtsü züqhu shi alakipikütsü eno shikimthikütsü tsülo.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.