Apostolmi 15:11 - Sümi Tiqhelimi Bible

¹¹ Tishi kepu kumoe! Ampeu Jisü’w küpükini vechewo panongu xalu ketoi ningu ghí xalu kepu pülü cheni.”

BAIBEL (BSI)

¹¹ Tishikepu kumoe, kughengu nino puluakeuno ningu ghi panongu toi Ampeu Jisu wu kupukini vechewo xalue.”

Sumi Naga CL (Re-edited) Bible (BSI)

¹¹ Ampeu Jisüw küpükini vecheo ningu xalu nanie pi nino pülü aketoi panongu tishi nanie.”

Apostolmi 15:11 Mawu Ofanana

Rommi 3:24

ikemu Alhou no kümsá no küpükini Khristo Jisü vechewo xachilekulu ighi keu lono timi kümtsü achipikaluvae.

Rommi 5:15

Ikemu Alhou’w kümsá ghò ngò Adam xiné ye kütüqü ke. Kughengu tsalá timi lakhi hekibide ghenguno timi kutomo thive aghí aye, tinguno alau shi timi lakhi Jisü Khristo’w küpükini vechewo Alhou’w küpükini eno kümsá ghò ye timi kutomo lau khijehi qochili ighilu nani kea.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

1 Kor. 16:23

Ampeu Jisü’w küpükini nongu gholo apeniu.

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

Galatiami 1:6

Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae—

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Titus 2:11

Kughengu, Alhou’w küpükini ye timi kümtsü lau xakulu tsü niye ipeghivae.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.