Apostolmi 14:22 - Sümi Tiqhelimi Bible

²² eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

BAIBEL (BSI)

²² Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

Sumi Naga CL (Re-edited) Bible (BSI)

²² Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Apostolmi 14:22 Mawu Ofanana

MATTHEW 10:38

Khuu no paw kros xapumo no I papeni keno I khopemi shiküzü kumoe.

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

MATTHEW 19:24

Itaghi I no nongu vilo pìní, kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”

Mark 10:30

hipau küxü lono ghuthu aqhe küghüsü ithulu nani: tiye aki, athiküzümi, achelimi, azá noqo, atianuli eno aki-aluqo, tipau gholo pishi-pujuqhi keu ngò ighi nikeu ghuloki lo lhokta küxü ghí ithulu nani.

Mark 9:47

Eno tsalá O nhethi no O müsü sasü axiné shive pe aye, ti lejove no pevelo. Anhethi kini xapusü amiyizü lo vesüve nike züqhulo anhethi lakhi likhi xapusü Alhou kükaphu lo ilo keu pavie.

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

John 15:18

“Ayeghiqha no nongu mithi aye ayeghiqha ye I mithi paghi kepi nongu mlo lo qhilo.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 14:20

Ikemu kughou küpülümiqo no pa veho pesü kumqo akeno pa ye ithughive no mishighüna lo chesü idewove. Tishiwo thoghiu Barnabas ngò Paul pama ye Derbe lo wuve.

Apostolmi 14:28

Eno pama ye tilehi küpülümiqo gholo ado kushuwa ngove.

Apostolmi 15:32

Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

Apostolmi 15:41

Pa no Syria ngò Cilicia qhalo wu no akukuhouqo shikumto tsüe.

Apostolmi 18:23

Paul ye Antioch lo ado hami ngove kethiu Galatia ngò Phrygia qhalo a-a lakhi lono lakhi lo kicheghüzü shi wu no küpülümiqo kümtsü shikumto tsüe.

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

Apostolmi 9:16

I je ghenguno pa ye khijehi ime moayesa keno I no pa pìye nani.”

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

2 Tim. 3:12

Kuchou lo ye, khukhumu Khristo Jisü vechewo Alhou sümsa keu küxü xü nishi kemi ye pishi-puju nani,

1 Peter 2:21

Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 Peter 5:9

Pa mjochile lo, aküpülü lo ithamo no puthugho lo, kughengu ayeghiqha kuchopu lo athiküzümi eno achelimi küpülümi kümtsü no hitoi keu ghimeqo puju-shiju ani kepi nongu no ithi anike.

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.