Apostolmi 14:15 - Sümi Tiqhelimi Bible

¹⁵ “Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

BAIBEL (BSI)

¹⁵ eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

Sumi Naga CL (Re-edited) Bible (BSI)

¹⁵ “Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

Apostolmi 14:15 Mawu Ofanana

MATTHEW 16:16

Simon Peter no khochile, “No ye xü akeu Lhou Nu Messiah ke.”

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Apostolmi 10:26

Ikemu Peter no pa sünheputhu no pi, “Puthughove lo, ni ghí timi lakhi ke.”

Apostolmi 13:32

“Ningu no nongu vilo atsakiviu piani: Alhou no ni pù-asüqo lau kiu piqhipüa akeno

Apostolmi 14:21

Pama no mishighüna tipau lo atsakiviu pesü kütsü püzü timi kutomo pelo küpülümi shiluve pe. Tishive no pama ye Lystra ngò Iconium küdau no Antioch lo ideghive,

Apostolmi 14:7

tisheno pama no atsakiviu pesü tamo no asheshue.

Apostolmi 16:30

Tisheno pa no pama khalau sasü ipeghino iniju, “Akijeu nokujo, ni ye xaluve nike ghenguno kiu shi moayesa kea?”

Apostolmi 27:10

“Aküsàmiqo, I no ithulu akeu ye ningu kicheghüzü lo amhekiqipu kijè sholuni cheni, eno ninguw zükilu ngò anhemgha pù chekeu likhi kumo no ningu küxüu ghí pühave kepu shiveni chenie.”

Apostolmi 27:21

Ningu ye achuqupu kühave no ado kushuwa chumove kethiu, Paul no ningu zülo puthugho no pi: “Aküsàmiqo, nongu no I tsa inive no Crete züdoyeghi lono wumove ke aye ningu ye hitoi amhekiqi eno shiküpsa sholumoni cheke.

Apostolmi 27:25

Tighenguno aküsàmiqo, akumto shilulo, kughengu ni ye Alhou lau pülükibe ani eno pa no I vilo pikeu toi tishi nani ke.

Apostolmi 4:24

Kughou panongu no hi chilu keno, panongu küqha no ighamuku Alhou vilo akighini shi. Panongu no hitoi inikhu, “Akughushu Mpeu, atsütsǘ, ayeghi, azüghi eno tipaqo lo akeu kümtsü nono mülà ke.

Apostolmi 7:26

Tishiwo thoghiu Moses no Israelmi kini kichighi aghí keu ithulu. Pa no pükapütsa no pama külakishi shive tsü niye ishi pi, ‘Timi ghí lai! Nokujo ye athiküzümi ke; nokujo ye kushiye lakhi no lakhi ghüza nishi ani kea?’

1 Kor. 8:4

Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

Ephesiami 4:17

Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

1 Tim. 3:15

I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

James 5:17

Elijah ghí ningu toi timi lakhi ke. Pa no tsüghu pemo nike ghenguno pulopiniyi inikhu kelo tipau yeghi lo ampe küthü tüxa ghuqhimove ke.

Piyeküsü 14:7

Pa no asütsa kuloghi lakhi lono ishi pi, “Alhou sümsa lo eno ajuküvü pesü pa tsülo, kughengu paw küghakütha do hu ye ighivae. Kungugha, ayeghi, azüghi eno azüpuki lhosü keu Lhou mülá lo.”

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Piyeküsü 19:19

Tile no tüghashi ngò ayeghi lo kükamiqo eno panonguw ghüshimiqo no khurshi küsáu eno paw ghüshimiqo sasü aghüshi niye aqoshi kumqo akeu I no ithulu.

Piyeküsü 22:9

Ikemu pa no I vilo pi, “Tishi kevilo! Ni ghí no eno O gholo akemi tungkupumiqo eno liküküzü kaku hipau lo yèpüa keu tsaqo ikhilu chekemi kümtsü gholo aqemi lakhi ke. Alhou mülá lo!”

Piyeküsü 4:11

“Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”