Apostolmi 13:46 - Sümi Tiqhelimi Bible

⁴⁶ Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

BAIBEL (BSI)

⁴⁶ Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Sumi Naga CL (Re-edited) Bible (BSI)

⁴⁶ Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

Apostolmi 13:46 Mawu Ofanana

MATTHEW 10:6

Tishini ke züqhu Israelmi ambe toi pühape akemi lau wulo.

MATTHEW 21:41

Panongu no ishi khochile, “Pa no ahaküsamiqo shou ahaküsapu shi pìthíve nani, eno pa no atsailu pesü mishichi chekemi kütamiqo pichíve nani, eno tipaqo no ghile hu ke ghuloki lo tüxatini pa saje tsü nani.”

MATTHEW 21:43

“Tighenguno I no nongu vilo pi anie, Alhou kükaphu ye nongu lau no ikhisüwuve no pesü khuno shiye no tipau pithikighishelu nani keno tipaqo tsüve nanie.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

John 1:11

Pa ye pa likhi paw timiqo gholo ighike, ikemu pa likhi paw timiqo no pa ikhilumoe.

John 4:22

Nongu Samariamiqo ye nongu no mtha keu mülá achenie; ikemu ningu ye ningu no ithi akeu mülá acheni, kughengu xakulu ye Jewmiqo lau no ighike.

Apostolmi 13:14

Pama ye Perga lono Pisidian Antioch lo ighi. Pama no Sabbath tsalà lo synagog lo ilo eno iqae.

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 13:5

Kughou pama no Salamis tolu keno, pama no Jewmi Synagogqo lo Alhou tsa pesü asheshu. John no akukuphuu shi pama gholo che.

Apostolmi 19:9

Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Apostolmi 28:28

“Tighenguno I no nongu pelo ithi penishi akeu ye Alhou’w xakulu ye Jewkumomiqo lau puwuvae eno panongu no chilu nanie!”

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

Apostolmi 4:13

Kughou panongu no Peter ngò John pama mlo kumto ithulu püzü pama ye akiphiki lo wujumo kemi, inapügha timiqo paphi ipikeu ithive keno panongu ye akichiqhive no pama ye Jisü gholo ache kena ipi kimchiluve.

Apostolmi 7:51

“Nongu amlo kuthovi kemiqo! Nongu mlo eno kìníqo ye kili mphie. Nongu ye nongu pù-asüqo toi pülhapuju Aghungu Kimthe mjochile cheni!

Apostolmi 9:20

Pa ye paikhavi lono synagog lo Jisü ye Alhou nu kepi kütsü thuve.

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 2:10

ikemu khunoqo no akivi kümlà shi cheni keno panongu ghenguno ajuküvü, agigihu eno alokiqi anani: atüghishi Jewmi ghenguno, eno tithiu no Jewkumomi ghenguno anani.

FILIPIAMI 1:14

Eno I no akughuki lo akeu ghenguno athiküzümi eno achelimiqo akichiù no Ampeu shou pülükibe qhiluvea eno akümsa küha no atsakiviu pesü asheshu nikeu lo alau amlo kumto shiluvae.

IBRIMI 11:34

ami mili qhapinheve tsü, eno akihizüta mütsü lono pokajoluve cheni kea; khuuw miqemilei keu pesü akumto shive tsü kea; eno khuu no aghüshi lo aküka kumto shive no inami ghüshimiqo theqhive kea.