Apostolmi 13:25 - Sümi Tiqhelimi Bible

²⁵ Pa kümlapù ashetove niye akelo, John no pi, ‘Niye khuu ipi nongu ye kümsü ani kea? Ni ye nongu no khe achekeu hu kumoe. Ikemu timi lakhi I thiu ighi nani, ni ye pa pukhukuqhomu kuqho nike aküzüpu kumoe.’

BAIBEL (BSI)

²⁵ Kughou pa puwukeu kumlapu saje ashe toni chekelo Johan no timiqo vilo pi, ‘Nonguye nipesu khuu ipi cheni kya? Niye nonguno khe- akeu hu kumoe. Ikemu hi jualo, milakhi ithiuno ighi nani, eno niye pa pukhukuqho xaqhitsu nikeu ghi akuzupu kumoe.’

Sumi Naga CL (Re-edited) Bible (BSI)

²⁵ John no pa kümlapu ashe touve kelo ishi pi, ‘Nongu ye ni ye khuue picheni kea? Ni ye pa kumoe. Moe, I thiu chekeu, khuu pukhukuqho mu ni ye kuqho küzüpu kumo keno, pa jualo.’

Apostolmi 13:25 Mawu Ofanana

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Mark 1:7

Eno pa no hitoi kütsü che: “I thiu khuu cheni keno pa ye I nguno akumtou ke, ni ye iqi no pa pukhukuqho kütsügha kighimu kuqho nike aküzüpu kumoe.

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

John 1:34

I no ithuluvea eno thopi shi anike hiye Alhou Nu ke.”

John 1:36

Kughou Jisü no tipa-a kathasü wuche keu ithulu keno, John no ishi pi, “Julo, Alhou’w Ambeti!”

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Apostolmi 13:36

“Kughou David no paw tiqheli lo Alhou kimiji shikupuve keno pa ye thive, papù-asü gholo qhove eno pa sükumo ye tsümave ke.

Apostolmi 19:4

Paul no pi, “John’w baptiz ye amlo pebideve kemiw baptiz ke. John no timiqo vilo timi lakhi pa thiu ighi nani ke pa shou pülübe lo ipi ke, tiye Jisü ke.”

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

2 Tim. 4:7

Ni ye akivishi aghü shivae, ni ye akupo lo ashe tovae, ni ye aküpülü pewo tovae.

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.