Apostolmi 13:15 - Sümi Tiqhelimi Bible

¹⁵ Ayeza eno Tungkupumi kaku lo phisüve kethiu synagog lo sakiphemiqo no pama lau küsütsa puwu ghi pi, “Athiküzüu nokujo, tsalá timiqo ghenguno hakuthokütsü tsa aghí aye kimiye no pitsülo.”

BAIBEL (BSI)

¹⁵ Muse yezah lono eno Tungkupmi kuka lono phisuve kethiu, Sinagog lo ampemiqono pama kusutsaju ghi pi, “Athikuzuu nokujo, nokujono timiqo ghenguno hakuthokepu sutsa aghi aye panongu vilo pipenishi ani.”

Sumi Naga CL (Re-edited) Bible (BSI)

¹⁵ Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 13:15 Mawu Ofanana

Mark 5:22

Tishi akelo synagog lo sakiphemi lakhi Jairus ipikeu ighi, eno kughou pa no Jisü ithulu keno, pa ye Jisü pukhu phivilo iluikiqive.

Luke 16:16

“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

Apostolmi 1:16

no pi, “Athiküzümi eno achelimiqo, Kuchoyesü lo pipüa keu shikupu moayesae, tiye khaghi Aghungu Kimthe no David vechewo Judas khuu Jisü küghaluve kemiqo là kiche-kipiyeu shi keno pa ghili pipüa keu ke.

Apostolmi 13:27

Jerusalem lo xüküami eno ayekipemiqo ye Jisü ikhilumove ke, tishimu pa kiléqhive keu lono panongu no Sabbath tsalà atsütsǜ lo tungkupumi no pikeu tsa phisü chekeu shikupuve ke.

Apostolmi 15:21

Kughengu khaghinomu Moses yeza ye mishighüna kümtsü lo kütsüvea eno Synagogqo kümtsü lo Sabbath tsalà lono phisü cheke.”

Apostolmi 15:7

Tsaqüi küptsaju kethiu Peter no puthugho no panongu vilo pi: “Athiküzümiqo, nongu no püzüu no ithi akeu toi Alhou no nongu gholo no ningu kishelu püzü Jewkumomiqo pelo I kichí lono atsakiviu kükütsü sütsa chilu no pülülu peniye shike.

Apostolmi 18:17

Ikelo panongu no synagog lo Jewmi sakipheu Sosthenes tsüqüluve eno küghaki zülo no pa heqhi; ikemu Gallio no tipau lo kitilamu alomsü tsümoe.

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 2:29

“Aküsàmi Israelmiqo, I no mutotoi nongu vilo pilu akeu ye nisü David ye thive eno qhove, eno pa thigho ye ishi kutólo hile anie.

Apostolmi 2:37

Kughou timiqo no hi chilu keno, panongu mlo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”

Apostolmi 2:4

Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 20:2

Pa no tipa qhalo kicheghüzü shi wu püzü timiqo lau shikumto keu tsa kutomo pitsü, eno ashekha lo Greece lo ighive no

Apostolmi 22:1

“Athiküzümiqo eno apùnoqo, itehi ye iw sükusho tsa iniju lo.”

Apostolmi 4:36

Levi laghami Cyprus lono ighi keu Joseph khuu Apostolmi no Barnabas ipi ku cheni keno (hipau kiqi ye shikumtokütsüu nopu),

Apostolmi 7:2

Stephen no khochile, “Athiküzümi eno apùnoqo, I tsa inilo! Ningu papù Abraham no Harran lo wo xü mphi züu Mesopotamia lo ngo aphi lono ajuküvü Lhou no pa lau ipeghi pìye ke.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 14:3

Ikemu timi khuu no tungkuptsa pi cheni keno pa ye timiqo xaqhepuku, shikumto eno alokughuno tsü nikeu ghenguno pi cheni.

2 Kor. 3:14

Ikemu panongu kükümsü ye izüvüvüive ke, kughengu ishi kutólo kughou panongu no puloshoqhi aqau phini keno agikünha pesü küzüluve cheni. Tiye ikhive mphi, kughengu Khristo vechewo likhi no tipau ikhivelu cheni ke.

1 Thes. 2:3

Kughengu ningu no kütsü chekeu ye shikipimi momu mithekumo kimiji lono kumo ke, momu ningu ye nongu pishiqhi niye pükapütsa anike kumoe.

IBRIMI 13:22

Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.