Apostolmi 12:3 - Sümi Tiqhelimi Bible

³ Kughou hi shikeu lo Jewmiqo lopu shive keu pa no ithive keno, pa ye Peter ghí küghaluve niye kutove. Hipau shikeu ye Kholaqhi Sümo keu Sho pesü Aghulhu shi akeu ghuloki lono ke.

BAIBEL (BSI)

³ Hi shikeulo Judami lopu shikeu pano ithulu puzu pano wo Pitor ghi kughaluve. (Hiye kholaqhi sumokeu sho pesu Aghulhu shikeu ghuloki shi ae.)

Sumi Naga CL (Re-edited) Bible (BSI)

³ Hi no Jewmi lopu shikeu pa no ithulu no Peter ghi küghaluve nike phuwu. Hi ye Kholaqhi sümokeu Sho pine ghuloki lonoe.

Apostolmi 12:3 Mawu Ofanana

MATTHEW 26:17

Kholaqhi sümo keu Sho Tiqhitini tsalà atüghiu lo Jisü khopemi no pa lau ighino iniju, “No ye ningu pelo khile wu no O ghenguno Hechekulu ghulhu chuni keu kutokughoi aghí penishi ani kea?”

John 12:43

kughengu panongu ye Alhou no sheqhe keu nguno alau timi no sheqhe keu kimiye cheni ke.

John 19:11

Jisü no khochile, “Tsalá Alhou no aküka O tsümo ke aye no ye I shou aküka kühani cheke. Tighenguno timi khuu no I küghape O tsüvea keno pa ye axiné kijè kipimí shivae.”

John 21:18

Kuchou no I no nongu vilo pìní, kughou nongu no alhothe shiche keno nongu ye nongu kutoshi tiphimini pepu no nongu no wu nishi keu-a lo wuche; ikemu kughou nongu no kitemi shiveni keno nongu ye nongu u chhope ngo püzü kütami no nongu ghili kutotsü nani eno nongu no wuni shimo keu-a lo sawu nani.”

Apostolmi 12:4

Peter küghaluve kethiu Herod no pa pesü akughuki lo sǘve, eno ghüshimi bidi-di no amqo bidí shi no aghükheu shipe nike picheve. Herod ye Hechekulu ghulhu thiu timi aqha zülo no Peter shou atsa kügha nikeu shie.

Apostolmi 2:14

Tisheno Peter no Apostolmi chighiqhaqhi gholo puthugho no asütsa müghachhoi keu lono aqokitikhi lau asheshu, “Aküsàmi Jewmi eno nongu khunoqo Jerusalem lo xü acheni keno, I no hipau vehu nongu vilo hepho-piye nike I no pikeu tsaqüi iniju lo.

Apostolmi 20:6

Ikemu Kholaqhi sümo keu Sho Tiqhitini tsalà tove kethiu ningu ye zükilu lono Philippi lo wuve eno atsala pungu thiu no Troas lo panoqo gholo sülu, eno tilehi ningu atsala tsünì ngove.

Apostolmi 24:27

Kughou ampe kini wove keno, Porcius Festus no Felix theli lo Angh shiluve, ikemu Felix ye Jewmiqo lopu shitsü niye Paul pesü akughu shipe qhive ke.

Apostolmi 25:9

Festus no Jewmiqo lopu shitsü niye Paul vilo pi, “No ye Jerusalem lo iqho no O nguku akeu hipaqo ghenguno I gizülo puthugho no küghatha tsüpe nishi anima?”

Apostolmi 4:13

Kughou panongu no Peter ngò John pama mlo kumto ithulu püzü pama ye akiphiki lo wujumo kemi, inapügha timiqo paphi ipikeu ithive keno panongu ye akichiqhive no pama ye Jisü gholo ache kena ipi kimchiluve.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.