Apostolmi 12:17 - Sümi Tiqhelimi Bible

¹⁷ Panongu pelo inaqhoive penike ghenguno Peter no pa u kihí pe pìyeve püzü Ampeu no kíshi akughuki lono pa saipeghi keno kishékulu shi lhepiye. “Hipau pesü James ngò athiküzümi eno achelimi kütamiqo vilo pilo,” ipi pa no pi, eno tipathiu pa ye a-a kütau wuve.

BAIBEL (BSI)

¹⁷ Panongu pelo inaqhoive peniaye pano au kutsu piye, eno Ampeu no akughuki lono kishi pa saipeghiluve keno kishekulu lhepiye. “Hipau pesu Jems vilo ngo athikuzumi kutami vilo pilo” ipi pano pive. Ipuzu paye cheve eno a-a kutau wuve.

Sumi Naga CL (Re-edited) Bible (BSI)

¹⁷ Panongu pelo inaqhoive peniye pa no au kütsüpe tsüno Ampeu no akughuki lono kishi pa saipeghi keno kishekulu lhepiye. Pa no pi, “Hipau pesü James ngo athiküzümi vilo pilo.” Eno pa ye a-a kütau cheve.

Apostolmi 12:17 Mawu Ofanana

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

Mark 6:3

Hiye asǜ kümlàu ke kumo keshea? Hiye Mary nopu eno James, Joseph, Judas, eno Simon noqo thiküzüu ke kumo? Eno pa chelimiqo ye hilau ningu gholo anike kumo keshea?” Tisheno panongu ye Jisü jupe anheshuve.

Luke 1:22

Kughou pa no khalau ipeghi keno, pa ye panongu pütsa mülave. Panongu no pa ye achineki lo kungunhetsü ithulu kepi vethaluve, kughengu pa no pa u kulo pesü panongu pìye-a ikemu atsa pimla no ae.

John 10:40

Tisheno Jisü ye John no hukuthu lo Jordan qhalo baptiz shi chekeu küdau idechile wove. Pa ye tilau ngove,

John 11:54

Tighenguno Jisü ye Jewmiqo zülo pekiphe shi iqho-iqi keu shimove. Tishini ke züqhu pa ye küghünamokeu-a phivilo aphu lakhi Ephraim ipikeu qhalo wu püzü pa khopemiqo sasü tilehi ngove.

John 13:24

Simon Peter no akhopemiqo vilo pa u kihi ghi pi, “Pa ye khuu piani keno pa vilo iniju lo.”

John 7:1

Hipathiu Jisü ye Galilee qhalo wue. Jewmi sakiphemiqo no pa pìthíve niye kuchughu ake ghenguno pa ye Judea qhalo wuni shimo no ake.

John 8:59

Hi pi kelo panoqo no atu pesü Jisü veqhi niye atu kichethuve, ikemu Jisü no achineki khala lono tsüghüsü wuve no pa likhi pa küghütshüluve.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

Apostolmi 12:16

Ikemu Peter no ahukikha kukhu tamove, eno panongu no ahukikha khaqhi püzü pa ithulu kelo panongu ye shishe akichiqhive.

Apostolmi 12:18

Inaqhe shive kelo, ghüshimiqo dolo Peter ye kiu shivea kela ipi shishe mubumghu thuve.

Apostolmi 13:16

Paul no puthugho püzü pa u peqhe-pìye no ishi pi: “Israelmi aküsàmi eno nongu Alhou mülá chekemi Jewkumomiqo, I tsa inilo!

Apostolmi 15:13

Pama no pitave kelo James no ishi pi, “Athiküzümiqo, I tsa inilo.

Apostolmi 16:40

Paul ngò Silas pama ye akughuki lono ipeghive kethiu pama no Lydia ki lo wue, eno tilehi athiküzümi eno achelimiqo sasü kusholu no panongu shikumto tsülue. Tisheno pama ye wuve.

Apostolmi 19:33

Timi dolo no Jewmiqo khami no Alexander tuhape agizüu puwu, eno pa ye kíshi pi moayesa keno panongu no ighamuku pa vilo pi. Timiqo zülo pa likhi pa shokha keu tsa pinike ghenguno pa u kihí püzü iqünheive lo ipi.

Apostolmi 21:18

Tishiwo thoghiu Paul gholo ningu kümtsü James sasü kusho niye wu, ikelo kichimiqo kümtsü ngo aghíe.

Apostolmi 21:40

Zatsüu lau no puloza ithuluve kethiu, Paul no apukhu-nepa lo puthugho no aqokitikhi lau au kihí tsü. Kughou panongu kümtsü no iqünheive keno, pa no Arameami tsau no panongu vilo pi:

Apostolmi 28:15

Ningu no cheni ipikeu athiküzümi eno achelimi tilehi akemiqo no chilu kelo panongu ye ningu sasü kusholu nike alhikishi ki Appius eno Kicheghüzümi ki Küthü ipikeu kutólo ighi. Timi hipaqo ithulu kelo Paul no Alhou shikimthi eno pa likhi pa shikumtolue.

1 Kor. 15:7

Tisheno pa no James lau ipeghi pìye, eno tithiu no apostolmiqo kümtsü lau ipeghi pìye,

Galatiami 1:19

Ni ye Ampeu thiküzüu James nguno alau ye apostolmi kütamiqo khumu ithumlae.

Galatiami 2:12

Kughengu James no timi khami puwu keqo ighi mphi züu, pa ye Jewkumomiqo gholo chu-sho cheke. Ikemu kughou panongu ighive keno, pa ye tsüghüve no Jewkumomiqo lau no paküta shive ke, kughengu pa ye Jewmi mqo lo akemiqo msà ake.

Galatiami 2:9

Atsükuchoqo toi gihu chekemi James, Cephas eno John noqo no kughou I lau küpükini tsüpüa keu kimchilu keno panongu no kuposhulu keu michi shi Barnabas nikujo sasü au ajeu no petha shilu. Tisheno panongu no Jewkumomiqo lau ningu no wu moayesa, eno Jewmiqo lau panongu no wuni kepi pulolue.

James 1:1

James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.