Apostolmi 11:23 - Sümi Tiqhelimi Bible

²³ Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

BAIBEL (BSI)

²³ Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

Sumi Naga CL (Re-edited) Bible (BSI)

²³ Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 11:23 Mawu Ofanana

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

Mark 2:5

Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, O xinéqo qhivetsüae.”

John 15:4

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 14:26

Attalia lono pama ye ashuka lono Antioch lo idewove, tile no pama kümlà mülaqhiluve keu ghenguno Alhou’w küpükini lo kulhuqhive tsülu.

Apostolmi 15:40

ikemu Paul ye Silas kisheluve no küpülümiqo no pama Ampeu’w küpükini lo kulhuqhive tsü no cheve.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 4:36

Levi laghami Cyprus lono ighi keu Joseph khuu Apostolmi no Barnabas ipi ku cheni keno (hipau kiqi ye shikumtokütsüu nopu),

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

2 Kor. 1:17

I no hipau shinishi keu lo ni ye lhelheive keshea? Momu ni ye ayeghilomi ghola lono kughuve keu vechewo panongu toi kuchou lo ye “Moe, moe” ipi animu “Iye, iye” ipive ani keshea?

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

2 Tim. 3:10

Ikemu Timothio, no ye I kükütsü, I küxü ghola eno I kimiji kümtsü ithi ani. No ye I küpülü, iw kheakulu, iw kikimiye, iw kutuukulu ithi ani.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

3 John 1:4

Ni ye I nuliqo no kuchou lo xüani ipikeu sütsa chilu keu lokiqi nguno akijeu kühae.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.