Apostolmi 10:42 - Sümi Tiqhelimi Bible

⁴² Pa no ningu vilo atsakiviu timiqo lau kütsü lo ipi azah tsü eno küxümi ngò kithimi shou küghaküthau shipe niye Alhou no süküsü shikeu hu ye pa ke ipi ashepe shilo pike.

BAIBEL (BSI)

⁴² Pano ningu vilo atsakiviu timiqo lau vekuphawolopi ahzatsu, paye kuxumi ngo kithimi shou kughakuthau shipeniye Alhou no kishelukeu hu pa kepi ashepe shilo pie.

Sumi Naga CL (Re-edited) Bible (BSI)

⁴² Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

Apostolmi 10:42 Mawu Ofanana

Luke 16:28

kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’

Luke 22:22

Timi Nu ye kughupüa ketoi thive nani. Ikemu pa thechu shive keu tipau ghengu ye ahaküsapue!”

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Apostolmi 5:20

Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”

Rommi 2:16

Hiye I no atsakiviu pikülha chekeu lono pive ketoi kughou Alhou no Jisü Khristo vechewo timiqow tuqhou shou küghathabe nike no tipau tsalà lono shi nani.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

2 Tim. 4:1

Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

1 Peter 4:5

Ikemu panongu ye khuu no küxümi eno kithimi shou küghathabe nike kutò pe ani keno pa lau kihikülai tsü moayesa nani.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 22:12

“Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.