Apostolmi 10:36 - Sümi Tiqhelimi Bible

³⁶ Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

BAIBEL (BSI)

³⁶ Jisu Khristo khuu timi kumtsu shou Ampeu keno pa vechewo Alhou no alokughunopu tsakiviu Israilmi lau asheshu pekeu tsa hu nonguno ithi ani.

Sumi Naga CL (Re-edited) Bible (BSI)

³⁶ Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 10:36 Mawu Ofanana

MATTHEW 10:6

Tishini ke züqhu Israelmi ambe toi pühape akemi lau wulo.

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Luke 1:79

tiye àküzǘ yeghi lo xü akemi eno akithí yekükhü lo akemi, ni pukhu nepa kichesü aloino keu là lo sawu nikeu ghenguno ke.”

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

Apostolmi 10:37

Nongu ye Judea bocho lo kiu shive keno ithi ani, tiye John no Galilee lo baptiz ghili kütsü keu lono huthuke.

Apostolmi 11:19

Stephen pìthíve keu lono pishi-puju ipeghi keu vechewo küpülümi apanaghave kemiqo no Phoenicia, Cyprus eno Antioch kutólo wu no Jewmiqo dolo likhi Alhou tsa pesü külha wove.

Apostolmi 13:32

“Ningu no nongu vilo atsakiviu piani: Alhou no ni pù-asüqo lau kiu piqhipüa akeno

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Rommi 14:9

Hipau kimiji ghenguno Khristo ye kithimi eno küxümi kinikujo shou Ampeu shilu penike ghenguno thive no xüchilethuve ke.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

1 Kor. 15:27

Kughengu Kuchoyesü no pikeu toi, “Alhou no thowkha kümtsü pesü pa pukhu qholo qhivetsü ake.” Ike kughou “thowkha kümtsü” pa qholo qhivetsü ipi keno, tiye mütsümishei no Alhou khuu thowkha kümtsü Khristo qholo qhivetsü keno pa ampi ye kihisü amoe.

1 Kor. 15:47

Timi atüghiu Adam ye ayeghi mkhu lono ighike; ikemu timi akiniù Khristo ye kungugha lono ighie.

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

Kolosiami 1:20

Eno ayeghi lo thimeqo shi aghí na kungugha lo thimeqo shi aghí namu Khristo no kros lo pa jì peleve keu vechewo thowkha kümtsü pesü Apù Alhou lau külashilu peniye ke.

IBRIMI 1:2

ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 19:16

Paw ubephi eno paw alukobo lo aje hitoi yèpüa: Kükamiqo shou akükau eno ampemiqo shou ampeu.