Apostolmi 1:24 - Sümi Tiqhelimi Bible

²⁴ Tisheno panongu no akighini shi, “Ampeu, nono kümtsü mlo ithi ani, hi pama dolo Judas no apostol kümlà qhive no pa kungo-a lo wuve keu lo

BAIBEL (BSI)

²⁴ Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Sumi Naga CL (Re-edited) Bible (BSI)

²⁴ Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Apostolmi 1:24 Mawu Ofanana

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

John 21:17

Ghuthu aküthüu Jisü no pa vilo pi, “John nu Simon, no ye I kimiye chenima?” Jisü no ghuthu aküthüu ghi, “No ye I kimiye chenima?” ipi iniju keu lo Peter ye alosüve. Pa no pi, “Ampeu, nono thowkha kümtsü ithi anie; I no O kimiye akeu nono ithi anie.” Jisü no pi, “Iw ambeqo lojí lo.

Apostolmi 14:23

Paul ngò Barnabas pama no akukuho atsütsǜ lo panongu ghenguno kichimiqo süküsü shitsü, eno akighini gholo kümvü keu vechewo panongu no pükhübe chekeu Mpeu lau kulhuqhive tsü.

Apostolmi 15:8

Alhou, khuu timi mlo ithikicheu keno, pa no ningu lau shikeu toi Jewkumomiqo ikhilu ani kepi pephe-piye keu michi shi Aghungu Kimthe panongu tsüke.

Apostolmi 6:6

Panongu no timi hipaqo sasü apostolmiqo lau ighi eno apostolmiqo no panoqo shou au be no inikhu tsü.

Rommi 8:27

Eno Alhou khuu ningu mlo lheju cheni keno pa no Aghungu kükümsü ithi acheni, kughengu Aghungu no Alhou pulou kiqi lono Alhou’w timiqo ghenguno alakipiu shi inikhu tsü acheni ke.

IBRIMI 4:13

Lhosüpüa keu kümtsü lakhimu Alhou zülo no küsüpüamoe. Thime kümtsü küzüvemo no lhaphe pe khuu lau ninguw kihikülai tsü moayesa keno pa nhekithe lo ani.

Piyeküsü 2:23

I no li nuliqo ghüza pe pìthíve nani. Tishive aye akukuhouqo kümtsü no ni ye timi mlo eno akükümsü phuju chekeu hu ke ipi ithi nani, eno I no nongu kümlà kiqi lono nongu lakhi-khi lau qesaxu tsü nani.