Apostolmi 1:15 - Sümi Tiqhelimi Bible

¹⁵ Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

BAIBEL (BSI)

¹⁵ Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Sumi Naga CL (Re-edited) Bible (BSI)

¹⁵ Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

Apostolmi 1:15 Mawu Ofanana

MATTHEW 13:31

Pa no panongu vilo kimghi pìye keu tsa kütau pesü pi: “Kungugha kükaphu ye timi lakhi no aghane thi lakhi pesü shosü keu toi ke.

Luke 22:32

Ikemu Simon, O küpülü iqeve pemo nike I no O ghenguno inikhuve tsüae. Eno kughou nono ideghiveni keno O thiküzümiqo shikumtolo.”

John 14:12

Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

John 21:23

Hi ghenguno, akhopeu hipau ye thimo nani ipi küpülümiqo dolo uyewu tsa kügha wove. Ikemu Jisü ye pa ye thivemo nani ipi pimoe; Jisü ye, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania?” ipikeu likhi pike.

Apostolmi 10:23

Ike Peter no pa ki lo inami shi ghi panongu sasüe. Thoghiu Peter ye panongu gholo wuve, eno Joppa lono küpülümiqo khami ghí pa gholo wue.

Apostolmi 11:1

Judea qha kümtsü lo Jewkumomi ghí Alhou tsa ikhiluvae ipikeu apostolmi ngò küpülümiqo no chilu.

Apostolmi 11:12

Aghungu Kimthe no I vilo panongu gholo wuni keu künacho kevilo ipi. Joppami athiküzümi pano tsügho ghí I gholo wue, eno ningu Cornelius ki lo ilo.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Apostolmi 12:17

Panongu pelo inaqhoive penike ghenguno Peter no pa u kihí pe pìyeve püzü Ampeu no kíshi akughuki lono pa saipeghi keno kishékulu shi lhepiye. “Hipau pesü James ngò athiküzümi eno achelimi kütamiqo vilo pilo,” ipi pa no pi, eno tipathiu pa ye a-a kütau wuve.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 15:1

Timi khami no Judea lono Antioch lo iqighi no hitoi küpülümiqo kütsüe: “Moses no nongu kütsü keu kukhuaye kiqi lono aphighüyiko-küghá shimo aye nongu ye xamlae.”

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 16:2

Lystra ngò Iconium lo küpülümiqo kümtsü no Timothy ghili pipivi che.

Apostolmi 16:40

Paul ngò Silas pama ye akughuki lono ipeghive kethiu pama no Lydia ki lo wue, eno tilehi athiküzümi eno achelimiqo sasü kusholu no panongu shikumto tsülue. Tisheno pama ye wuve.

Apostolmi 17:10

Putho shive kemtsa küpülümiqo no Berea lo Paul ngò Silas pama puwuve. Pama no ti tolu kelo Jewmi’w synagog lo iloe.

Apostolmi 17:14

Küpülümiqo no akimighi shi azüghi küdau Paul puwuve, ikemu Silas ngò Timothy pama ye Berea lo ngove.

Apostolmi 17:6

Ikemu kughou panongu no pama phumlave keno Jason ngò küpülümi khami sünhe sasü tipau phughi lo ayekipemiqo zülo wu no ishi ighamuku: “Ayeghiqha kümtsü lo aküpüna xukutho akemi timi hipaqo hilau ighi ani,

Apostolmi 18:18

Paul ye ado hami ghenguno Corinth lo ache. Tisheno pa ye athiküzümi ngò achelimiqo qhive no Priscilla ngò Aquila pama sasü Syria lo wu niye zükilu lono cheve. Ashuka lo iku mphi lono, Cenchreae ipikeu-a lono pa no ashoqhi shipüa keu kiqi lono pa kütsüsa miyeve.

Apostolmi 18:27

Kughou Apollos no Achaia lo wu nishi akeno, athiküzümi eno achelimiqo no pa shikumto eno akhopemiqo vilo pa sasǘ tsülo ipi akiyé yètsü. Kughou pa no Achaia tolu keno, Alhou’w küpükini lono küpülümi shiluve keqo lau pa ye akukuphu kijè shilu.

Apostolmi 21:17

Kughou ningu no Jerusalem lo ighi keno, athiküzümi eno achelimiqo no alokivishi ningu sasülu.

Apostolmi 21:20

Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 21:7

Ningu no azü lono kicheghüzü shikibesü Tyre lono wo Ptolemais tolu, tilehi ningu no alokivishi athiküzümi eno achelimiqo sasü petha shilu eno atsala lakhi panongu gholo ngove.

Apostolmi 22:5

Achinetou ngò Jewmi Hoho lo akemi kümtsü no hipau shepe shi tsülu nani. Damascus lo panongu mülà küqha chekemi lau yèsü yè keu kutólo ni ye panongu lau no khulue, eno timi tipaqo akughumi shi sasü Jerusalem lo ighino ghimeqhi niye tilau wuche ke.

Apostolmi 28:14

Tilehi ningu thiküzümi eno achelimiqo khami sasü kusholu eno panongu no apinedo kupuju ghenguno ningu kusü no panongu gholo ngove. Tisheno ningu ye Rome lo ighi.

1 Kor. 15:6

Tipathiu pa no ado lakhi lono athiküzümi eno achelimi 500 nguno akichiù lau ipeghi pìye ke. Panongu khami ye thivae ikemu kutomo no itehi ghí xü aphie.

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 3:4

Ikemu no ye Sardis lo timi hami kitiqemo kemi aphie. Panongu ye aphimini miyetsüghoi keu pepusü I gholo alà che nani kughengu panongu ye tishi küzü ke.