3 John 1:10 - Sümi Tiqhelimi Bible

¹⁰ Ike kughou I no ighini keno, pa no kiu shi ani keno I no tipau pephe nani, tiye pa no tixe eno akükümsü küküha tsa pesü ningu ghili külha akeu ke. Tipau lo aghaqi müla no, pa ye küpülümi kütamiqo sasǘ pe nikeu kutólo ghí milive ke. Khunoqo no sasǘ nishi ani keno tipaqo pa no lakhave ke eno akukuhou lono hapheve ke.

BAIBEL (BSI)

¹⁰ Tighenguno pano kiukiu shipuani keno ino ighi anguno pano ningu shou lhoksakugha tsa zalepukukeqo kumtsu kughaju nani. Paye tighi aghaqimo puzu pa ampino athikuzumi sasunikeu hachileve, eno kutamino sasunikeu ghi pano hachilevetsu eno akukuho lono athikuzumiqo hapheveke!

Sumi Naga CL (Re-edited) Bible (BSI)

¹⁰ Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.

3 John 1:10 Mawu Ofanana

Luke 6:22

Kughou Timi Nu ghenguno timi no nongu mithi, nongu leve, nongu thaigha eno küsakügha kepi nongu jeku nike no, nongu kümghae.

John 9:22

Anhethi kighicheu pù-aza ye Jewmi sakiphemiqo kümsà lau no hi pike, kughengu Jewmi sakiphemiqo ye azüu no khukhumu Jisü ye Messiah kepi ikhilu kemi ye synagog lono hapheve nikeu shi xakütha shipepüa ke.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

2 Kor. 13:2

I no akiniù nongu xuju ighino nongu gholo ake lono axiné kümlà shi akemiqo vilo pikichivea ke. Ikemu itaghi I küküha lono pikithe ani: khunoqo püzüu axiné shive keno eno kütami khuu-khuu shi aghimu, I no ideighi kelo tipaqo qhimo nani,

Galatiami 6:10

Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

1 Tim. 5:13

Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

2 John 1:10

Tsalá khuala no nongu lau ighino akükütsü hipau peighimo aye, panongu pelo nongu ki lo iloghi pe kevilo momu panongu sasǘ kevilo.

2 John 1:12

Ni ye nongu lau kutomo yè kepu shi ani, ikemu ni ye kaku ngò kiyezü peitha nishi amoe. Tishini ke züqhulo, ni ye nongu xuju ighi püzü agi no agi kinheqhi no küptsa nike laju ani, tishianguno ningu lokiqi pelo kupukülailu peniye ke.

3 John 1:3

Kughou küpülümi khami no ighino nono kuchou shou pülübelu akeu eno kíshi kuchou lo xüani keno pesü piakeu lo ni ye alokiqi kijè shi ani.

3 John 1:5

Kimiye chekeu I küsàu, O ghenguno athiküzümi ngò achelimiqo ye inami shi aghimu nono panongu ghenguno kiu shi ani keno tipau lo pükhübekulu shike.