2 Tim. 4:8 - Sümi Tiqhelimi Bible

⁸ Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

BAIBEL (BSI)

⁸ Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

Sumi Naga CL (Re-edited) Bible (BSI)

⁸ Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

2 Tim. 4:8 Mawu Ofanana

MATTHEW 24:36

“Ikemu atsala momu ayì kihedo ghili ye khunomu mthae, kungugha lo kungumiqo ke kumo no Anu ghí mthae, ikemu Apù likhi no ithi anie.

MATTHEW 7:22

Küghakütha tsalà lo timi kutomo no I vilo, ‘Ampeu, Ampeu, ningu ye O je lono tungkuptsa pi eno O je lono tüghaküsaqo haphe eno O je lono akümzapu kümlàqo kutomo shiche ke kumo keshea?’ ipi nani.

Luke 10:12

I no nongu vilo piani, küghakütha tsalà lo mishiphu tipau ye Sodom nguno alau aghime ithulu nani.

Rommi 2:5

Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

Rommi 8:23

Eno lhoqhipüa keu likhi kumoe, ikemu ningu khunoqo no Alhou Ghunguw amsüu ghò ithulu keno ningu ghí Alhou no saputhuluve keu anukishimi shiluve no ningu phimpiqo xachileluve penike ghenguno ningu lolo no igha acheni.

1 Kor. 2:9

Ikemu ishi yèpüa ani: “Anhethi no kiu ithumla aphi keno, akìní no kiu chimla aphi keno, timi mlo no kiu kümsüphe müla aphi keno”— khunoqo no Alhou kimiye cheni keno tipaqo ghenguno pa no thime hipaqo kutò pe qhipüani ke—

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

1 Kor. 9:25

Aghili kukuxu lo ilo kemi kümtsü alikhi ampi ghasülu ghi qokiphe shi cheni. Panongu no tishi keu ye pepushumo nikeu kütsükuqho ithulu nikeu ghenguno ke, ikemu ningu no alikhi ampi ghasükulu shi achekeu ye lhokta kutólo pepushu anikeu kütsükuqho ithulu nikeu ghenguno ke.

2 Kor. 5:2

Tishi ake dolo ningu ye kungugha phimpi pepu nishi kelau no aküsǜ ghügha igha acheni,

FILIPIAMI 3:11

eno tishilu keu vechewo kíshi kela shimu akithí lono xülekuthu shilu peniye ke.

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

1 Thes. 5:4

Ikemu athiküzümi eno achelimiqo, nongu ye hipau vehu mtha no anike kumoe, ikehu Ampeu tsalá ighi kelo küpkami lakhi toi nongu kichiqhi pe kepu kumoe.

2 Thes. 2:8

Tishive no ayeza hekibideu pephe-piye nani. Ikelo Ampeu Jisü no pa kichí tuthu no ayeza hekibideu hu pìthíve nani eno pa no qhivütsüni ighi keu vechewo ayeza hekibideu kütsakungove nani.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

2 Tim. 1:10

ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:18

Ampeu pelo tsalà tipau lo pa lau kimiyekini pìyelu peniu! Ephesus lo pa no alaghi ajeli kutomo lono I kuphu keu nono akivishi ithi anike.

2 Tim. 2:5

Tihutoi, aghilimi khukhumu akukuxu lo ilo kemi ye ayeza kiqi lono kuxumo ke thaqhülo ye tokulu kütsükuqho ithulu chemoe.

2 Tim. 4:1

Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 12:11

Ghaküsü shi akeu dolo ye khilemu aloviqhiyi chemo, ikemu sakütü cheni. Tishiaghimu kutou ye, tino achipiumikucho ghile hu cheni eno hipau no khunoqo qopheva keno panongu ghenguno alokiqi süghi cheni.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

Piyeküsü 4:10

sakiphemi muchomi mukubidi no aküka lakhü lo iqa akeu zülo qhoqhünheluve no alhokupuju lono alhokupuju kutólo xü acheni keu mülá ke. Panongu no aküka lakhü zülo panongu küká kütsükuqho lhaqhi no ishi pi:

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.