2 Tim. 2:19 - Sümi Tiqhelimi Bible

¹⁹ Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

BAIBEL (BSI)

¹⁹ Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

Sumi Naga CL (Re-edited) Bible (BSI)

¹⁹ Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

2 Tim. 2:19 Mawu Ofanana

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 28:19

Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

MATTHEW 7:23

Tile no I no panongu vilo mütsümishei ishi pi nani, ‘Ni ye nongu khuu kela mthae. I lau no chevelo, nongu küsaküghamiqo!’

MATTHEW 7:25

Tsütsüghu ighi, atshünazü qò ighi, eno pasapagha mülhü ighi eno aki tipau tukuchoqhi; ikemu aki tipau ye ilaiqimoe, kughengu aki tipau ye atuqu shou aboqha shipüa ke.

Mark 12:16

Panongu no ghükayi peighi, ikelo pa no panoqo vilo iniju, “Hiye khuu julho kea? Eno khiu shisü püani kea?” “Caesar’w,” ipi panongu no khochile.

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Luke 13:27

“Ikemu pa no, ‘Ni ye nongu mthae momu khile no ighi ani keno mthae. I lau no chevelo, nongu küsaküghamiqo!’ ipi khochile nani.

Luke 6:48

Panongu ye timi lakhi no aki shi ake toi ke: pa no thonhei chhusü eno atuqu shou aboqha qhae; kughou atshünazü ighi keno aki tipau chhele ighi ikemu tiye süküghütha mülae, kughengu tiye akivishi shipüa ke.

John 10:14

“Ni ye ambe kheu kiviu ke; I no I mbeqo ithi ani eno I mbeqo no ni ithi ani—

John 13:18

“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 15:17

tishianguno timi kümtsü no Ampeu phulu penike, Jewkumomi khunoqo no I jeku acheni keno panongu ghí Alhou phulu penike, hiye Ampeu khuu no thime hipaqo kümtsü mülà tsü keno pa no pie,’

Apostolmi 9:14

Eno pa ye achinetou lau no azah luve no hilau O je ku aghí kemi kümtsü küghaluve niye ighi anie.”

Rommi 11:2

Alhou ye azüu no paw timi ithi pe ache kemiqo milivemoe. Kuchoyesü lo Elijah ghili kiu pipüani keno nongu ye mtha keshea. Pa ye Alhou lau Israelmi ghenguno muchho ghi ishi pike:

Rommi 12:9

Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

Rommi 15:20

Ni ye a-a khilehi no Khristo je chimla aphi keno tilehi atsakiviu pe kütsü nikeu no pülhapuju I kimiji shi acheni. Ni ye kütami khuala no aboqha qhave aghí keu shou shipukuni shichemo ke.

Rommi 15:9

Tilikhi kumo no Khristo ye Jewkumomiqo pelo Alhou’w kimiyekini ghenguno Alhou juküvü shipe niye ighike. Kughengu Kuchoyesü lo ishi yèpüani: “Tighenguno Jewkumomiqo gholo no I no O sheni; I no O je sheqhe ale pheni.”

Rommi 8:28

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülà tsü cheni. Panongu ye pa kimiji kiqi lono kulùve kemiqo ke.

Rommi 9:11

Ikemu, anukishe punú mphi züu no momu akivi eno alhoküsa kiumu shimphi züu no, Alhou no kishepüa keu kiqi lono apenike ghenguno li vilo ishi pike:

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 8:3

Ikemu timi khuno no Alhou kimiye cheni keno Alhou no pano ithi acheni.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Ephesiami 3:15

pa vechewo kungugha lo eno ayeghi shou thowkha kümtsü lhophe ke.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

1 Tim. 3:15

I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

IBRIMI 11:10

Kughengu pa ye aboqha akeu gholo no mishighüna küdau juchho puwu ake, eno Alhou ye mishighüna tipauw ahighomi eno shiqhepukumi ke.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 21:14

Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

Piyeküsü 22:4

Panongu no Alhou ithulu nani, eno panongu kishe lo Alhou je yèpuku pe anani.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.