2 Tim. 2:10 - Sümi Tiqhelimi Bible

¹⁰ Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

BAIBEL (BSI)

¹⁰ eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

Sumi Naga CL (Re-edited) Bible (BSI)

¹⁰ Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

2 Tim. 2:10 Mawu Ofanana

MATTHEW 24:22

“Tsalá atsala tipaqo no kughukhove moaye, timi khumu xüluni chemoe, ikemu kisheluve kemiqo je lono atsala hipaqo ye kughukhove nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

Luke 18:7

Eno Alhou ye pa no kisheluve kemi khunoqo no putho-pucho pa lau ighamuku acheni keno saphumoni keshea? Pa ye panongu kuphuni keu munu auve nani keshea?

Luke 22:57

Ikemu Peter no li lachile ghi pi, “Totimio, ni ye pa mthae.”

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:9

Ni ye panoqo ghenguno inikhu ani. Ni ye ayeghiqha ghenguno inikhu amoe, ikemu nono khunoqo pe I tsü keno panongu ghenguno inikhu ani, kughengu panongu ye ow ke.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Rommi 9:23

Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.

2 Kor. 1:6

Ningu no amloküsa shive aghí aye, tiye nongu lokughuno eno xakulupu ghenguno ke; ningu no alokughuno shi aghí aye, tiye nongu lokughunopu ghenguno ke, eno tipau no ningu no aghime shikeu toi nongu no aghime shi kelo kheakulu shi kutuulu no puqhekulu shipe niye ke.

2 Kor. 12:15

Ikehu ni ye alokivishi I no kiu ani keno nongu ghenguno kümtsü puwove nani eno titoi I likhi I ghenguno ghí puwove nani. I no alau nongu kimiye aye, nongu ye kitila likhi I kimiye nani keshea?

2 Kor. 4:15

Hipaqo kümtsü nongu kivipu ghenguno ke, tishianguno küpükini khikhi timi kutomo lau tolu ani keno tipau vechewo Alhou juküvü lo shikimthi keu no qochili peniye ke.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

Ephesiami 3:13

Tighenguno I no nongu vilo piani, I no nongu ghenguno ime akeu ghenguno aghüthisüve kevilo, tiye nongu juküvüpu ke.

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

1 Thes. 5:9

Kughengu Alhou ye ningu pelo pa loghukighide ithulu peniye kishelumoe ikemu ningu Mpeu Jisü Khristo vechewo ningu pelo xakulu ithulu peniye ke.

2 Thes. 2:14

Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Tim. 1:1

Yèsü hipau ye ni Paul, khuu Alhou pulou lono Khristo Jisü’w apostolmi lakhi shilu eno Khristo Jisü lolo aküxü akeu pikiqhi kiqi lono asheshu penike kishelu keno pa no yè ani.

2 Tim. 2:1

Tishiaye, I nu, no ye Khristo Jisü vechewo küpükini akeu lono akumto shilo.

2 Tim. 2:3

Khristo Jisü’w ghüshimi kivi lakhi toi I ghime gholo küsaje alo.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.