2 Tim. 1:8 - Sümi Tiqhelimi Bible

⁸ Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

BAIBEL (BSI)

⁸ Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

Sumi Naga CL (Re-edited) Bible (BSI)

⁸ Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 1:8 Mawu Ofanana

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

John 15:27

Eno nongu ghí I shepe shi moayesa nani, kughengu nongu ye abothu lono I gholo ake.”

John 19:35

Tipau ithulu keu timi hu no ashepe tsü, eno pa shepe ye kuchou ke. Pa ye kuchou tsa piani kepi ithi ake, eno nongu ghí pülülu peniye pa no ashepe shike.

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 8:36

Kughengu Kuchoyesü lo ishi yèpüani: “O je ghenguno tsalà kipetsü akithí pesü ningu kichi acheni; ningu pesü ghiqhive niye akeu ambeqo toi kümsü cheni.”

Rommi 9:33

Ishi yèpüani: “Julo! Timiqo pelo püsüpukulu peniye I no Zion lo atu lakhi qhike eno panoqo pelo veqhive peniye atuqu lakhi qhike. Ikemu timi khuu no pa shou pülüni keno pa ye khilemu kujove pemo nani.”

1 Kor. 1:6

Hipau vechewo Alhou no ningu pelo nongu gholo Khristo’w thopi shi akeu shikumto tsü ani.

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

Ephesiami 3:1

Hi ghenguno ni Paul ye nongu Jewkumomiqo je ghenguno Khristo Jisü’w akughumi shike.

Ephesiami 3:13

Tighenguno I no nongu vilo piani, I no nongu ghenguno ime akeu ghenguno aghüthisüve kevilo, tiye nongu juküvüpu ke.

Ephesiami 4:1

Tishiaye ni Paul, Ampeu ghenguno akughumi lakhi shi akeu no, nongu pelo nongu kulùve keu qhemi aküzüpushi xü penike nongu hakite ani.

Ephesiami 4:17

Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.

FILIPIAMI 1:7

I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

1 Thes. 3:4

Kuchou lo ye kughou ningu no nongu gholo akeno, ningu ye pishi-puju nani kepi tamo no nongu vilo pi acheke. Eno nongu no akivishi ithi ake toi, titoi shivae.

1 Tim. 2:6

Khristo Jisü ye timi kümtsü ghenguno xakipheu lakhi kimhi shi pa likhi pa ikhiphe pe tsüve ke. Hiye ado achipi lono thopi shivae.

2 Tim. 1:10

ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:16

Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

2 Tim. 2:3

Khristo Jisü’w ghüshimi kivi lakhi toi I ghime gholo küsaje alo.

2 Tim. 2:8

Jisü Khristo ye akithí lono xüputhuve eno David polokughukomi kepi kümsülulo. I no piche keu tsakiviu ye hike,

2 Tim. 2:9

hi ghenguno ni ye ayeza heküxami lakhi toi aghime shi ayikichhe no tshüpe anie. Ikemu Alhou tsa ye ayikichhe pe tshüve mülae.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”