2 Peter 3:7 - Sümi Tiqhelimi Bible

⁷ Pulhosü keu tsa atho tipau vechewo itehi atsütsǘ lo akeqo ngò ayeghi ye ami ghenguno ghüpe püani, tiye küghakütha tsalà lo alhou mtha kemi kütsakungo nikeu ghenguno qhipe püani ke.

BAIBEL (BSI)

⁷ Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.

Sumi Naga CL (Re-edited) Bible (BSI)

⁷ Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

2 Peter 3:7 Mawu Ofanana

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

MATTHEW 11:22

Ikemu I no nongu vilo pìní, küghakütha tsalà lo Tyre ngò Sidon nguno alau mishiphu tipau no aghime shi nani.

MATTHEW 11:24

Ikemu I no nongu vilo pìní, küghakütha tsalà ghuloki lo Sodom nguno alau mishiphu tipau ghimeqhi nani.”

MATTHEW 12:36

Ikemu I no nongu vilo pìní keu ye kümtsü no küghakütha tsalà lo pütüta no kutokupuimo no piqhive keu tsa kihikülai tsü moayesa nani.

MATTHEW 24:35

Atsütsǘ eno ayeghi ye hauve nani, ikemu I tsa ye khilemu hauvemo nani.

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

Mark 6:11

Eno khile-khilemu nongu sasümo momu nongu tsa inimo aye, tipau-a qhivelo eno panongu lachile akeu thopi michi shi nongu pukhu müzá lo ayeghimukhu kukhuqhivelo.”

John 12:48

Khuu no I miliveni eno I tsa ikhilumoni keno panongu ghenguno küghakütha ani; I no pive keu tsa hu no ashekha tsalà lo panoqo kiléqhive nani.

Rommi 2:5

Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

FILIPIAMI 1:28

Kiu lonomu nongu lachile akemiqo pelo nongu shikümsave pe kevilo. Hiye panongu kütsave nikeu michipu ke, ikemu nongu ye Alhou no xaluve nani.

2 Thes. 2:3

Khuu pelomu kiu laghi lonomu nongu pishiqhive pe kevilo, kughengu hekibide ipeghimo ke kutólo eno aye kümthau, khuu ashekha tsalà lo kütsakungove nani keno, pa pephe-piyemo ke kutólo Ampeu tsalà ye ighimo nani.

1 Tim. 6:9

Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

IBRIMI 12:29

kughengu ningu “Lhou ye pitipühave chekeu ami lakhi ke.”

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

1 John 4:17

Ningu pelo küghakütha tsalà lo pülüqhiyilu penike ghenguno ningu gholo kikimiye ye hitoi kupukülailu cheni: Hipau yeghi lo ningu ye Jisü toi acheni ke.

Jude 1:7

Tipau ghola lono, Sodom ngò Gomorrah eno tipau sükümxa lo mishiphuqo ye kipito xüküpsa ngò kimthe kumo lau panongu likhi panongu pesü tsüke. Panongu vechewo no lhokta miyizü ghime kütsüw kiche-kipiye lakhi shitsü ke.

Piyeküsü 17:11

Tüghashi khuu xüache püzü itehi ye kühavea keno tipau ye akükau akütacheu ke. Tipau ye tsünì dolo lakhi ke eno pa ye kütsakungove niye wucheni ke.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 20:11

Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.

Piyeküsü 21:1

Tisheno I no “kungugha eno ayeghi kithé lakhi,” ithulu, kughengu kungugha atüghiu eno ayeghi atüghiu ye hauve, eno azüghi ye kühave ke.