2 Peter 3:11 - Sümi Tiqhelimi Bible

^11-12 Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

BAIBEL (BSI)

¹¹ Tishiaye hipaqo thime kumtsu hitoi shipuzu puhave nikeu shiani aye, nonguye kiutoikemi shikepu keno ithilo.

Sumi Naga CL (Re-edited) Bible (BSI)

¹¹ Thokha kümtsü hitoi pühaveni keu shiani aye, nongu ye kiu toi akimthe eno Alhou ithitoi shimasa keno ithilo,

2 Peter 3:11 Mawu Ofanana

MATTHEW 8:27

Timiqo ye akümzave no ishi iniju, “Hiye kiutoi keu timi kea? Amlhü eno azü fukucho kutólo pa gholu anie!”

Rommi 13:11

Ningu no itodolo xü akeu tüqhüdo ithi no hi shilo: Nongu ye zü akeu lono idaithughi kepu do hu ighivae, kughengu ninguw xakulu ye püzüu ningu no atüghi lo pülüluve keu nguno alau kupunukhoi kithevae.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 3:20

Ikemu ninguw aghakütsa hu ye kungugha lo anike. Eno ningu ye tilau no Xakuluu ighi nikeu khekulhoshi ani, tiye Ampeu Jisü Khristo

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 4:12

Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

1 Tim. 6:11

Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

1 Tim. 6:3

Tsalá khuala no ningu kükütsü gholo kunodi ghi kütsü no ningu Mpeu Jisü Khristo’w mütsümishei keu shikakütsü eno Alhou lau no ighi keu shiküka gholo puloküqhamo aye,

1 Tim. 6:6

Ikemu Alhou sümsaluve keu gholo alokiqi akeu ye alá kijè anike.

IBRIMI 13:5

Pisa kimine lono O küxü putosü lo eno nono kiu ani keno tipau lo aghakiqi shilo, kughengu Alhou no ishi pivae, “Ni ye khilemu O qhivemo nani, ni ye khilemu O phevemo nani.”

James 1:24

pa likhi pa juve kethiu, wuve no paikhavi pa ju ye kiutoi keno kümsümave cheni.

James 3:13

Nongu dolo khuu no alokütsümi eno vethakulumi kea? Panongu pelo aküxü kivi vechewo ti pìye pelo, tiye alokütsü vechewo ipeghi chekeu aqhokigheu kümlàqo shilu keu vechewo no ke.

1 Peter 1:15

Ikemu khuu nongu kulù keno pa ye akimthe ke, tighenguno nonguw süqesüli kümtsü lo akimthe shilo;

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

2 Peter 1:3

Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

2 Peter 1:6

eno akighithi gholo alikhi aghasülu keu; eno alikhi aghasülu keu gholo tsükhoi keu; eno tsükhoi keu gholo Alhou sümsa keu;

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.