2 Peter 3:10 - Sümi Tiqhelimi Bible

¹⁰ Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

BAIBEL (BSI)

¹⁰ Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

Sumi Naga CL (Re-edited) Bible (BSI)

¹⁰ Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

2 Peter 3:10 Mawu Ofanana

MATTHEW 24:35

Atsütsǘ eno ayeghi ye hauve nani, ikemu I tsa ye khilemu hauvemo nani.

Mark 13:31

Atsütsǘ eno ayeghi ye hauve nani, ikemu I tsa ye khilemu hauvemo nani.

Luke 12:39

Ikemu hi vethalulo: Tsalá aki mpeu no kiu tüqhüdo lono küpkami ighi nani keno ithi aghí ke aye pa ye pa ki hephosü iloghi pemo nani ke.

Rommi 8:20

Kughengu lhoqhipüa keqo ye ameküha keu shive pe ke, tiye pa likhi pa pulou lono kumoe, ikemu khuu no tishi peniye shi keno pa pulou lono ke, tiye lajupu àghi

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

1 Kor. 5:5

ike timi tipau hu ye aphi-ashi kütsave penike ghenguno ikhiphe pesü Satan u lo phesüve tsülo, tishianguno Ampeu tsalá lo pa ghungu xalutsü penike.

2 Kor. 1:14

nongu no ningu ithikuthu khamla namu nongu ye ithikuthuluve nani kepi laju ani. Tishi keu vechewo Ampeu Jisü tsalà lo ningu no nongu ju pesü agijivilei ketoi nongu no ningu ju pesü agijivilei nani.

1 Thes. 5:2

kughengu nongu no akivishi ithi anike Ampeu tsalà ye putho lo küpkami lakhi toi ighi nanie.

1 Thes. 5:4

Ikemu athiküzümi eno achelimiqo, nongu ye hipau vehu mtha no anike kumoe, ikehu Ampeu tsalá ighi kelo küpkami lakhi toi nongu kichiqhi pe kepu kumoe.

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

2 Peter 3:7

Pulhosü keu tsa atho tipau vechewo itehi atsütsǘ lo akeqo ngò ayeghi ye ami ghenguno ghüpe püani, tiye küghakütha tsalà lo alhou mtha kemi kütsakungo nikeu ghenguno qhipe püani ke.

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.

Piyeküsü 16:15

“Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”

Piyeküsü 20:11

Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.

Piyeküsü 21:1

Tisheno I no “kungugha eno ayeghi kithé lakhi,” ithulu, kughengu kungugha atüghiu eno ayeghi atüghiu ye hauve, eno azüghi ye kühave ke.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

Piyeküsü 6:14

Liküküzü kaku lakhi liküzü akeshi atsütsǘ hu ye hailove eno naghuto ngò züdoyeghi kümtsü pütüta-a lono iqeve.