2 Peter 1:16 - Sümi Tiqhelimi Bible

¹⁶ Kughengu kughou ningu no ningu Mpeu Jisü Khristo no aküka lono ighi nikeu ghili pesü nongu vilo pi keno ningu ye amqükini shi akukughu shikeu xüghili papemo ke, ikemu ningu ye ningu nhethi no pa kükanguaghaw thopi shikeqo ke.

BAIBEL (BSI)

¹⁶ Kughou ninguno nongu vilo niMpeu Jisu Khristo no ajekipi jukuvu lono ighinikeu ghili pesu pikeno ninguye timino muqumughashino iqiphekeu kughakichetsa pesu pithike kumoe, ikemu ninguye pa kimthe jukuvu ithulu puakeqoke.

Sumi Naga CL (Re-edited) Bible (BSI)

¹⁶ Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.

2 Peter 1:16 Mawu Ofanana

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 17:1

Atsala tsügho thiu Jisü no pa gholo Peter, James eno James thiküzüu John ishi sasü naghuto qhemghai keu lakhi lo iku.

MATTHEW 24:27

Tsütsüpha kipelau ipeghi kelo kulolau ghí ithulu chekeu toi, Timi Nu ighi kelo ghí titoi nanie.

MATTHEW 24:3

Jisü no Olive naghuto lo iqa akelo, pa khopemiqo no lomo shi pa lau ighi eno pi, “Ningu vilo pitsülo, tipaqo ye kughou no shikupu nani kea, eno nono ighi nikeu eno ashekha ghuloki michipu ye kiu kea?”

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Mark 13:26

“Atüqhüdo tipau lo timiqo no khüngküsü lono Timi Nu no aküka kijè eno ajekipi lono chekeu ithulu nani.

Mark 14:62

Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

Luke 9:43

Panongu kümtsü no Alhou küká kumto jupe akümzave. Jisü no kiu mülà keno timiqo no jupe akümzaqhiyi akelo, pa no pa khopemiqo vilo pi,

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

1 Kor. 1:17

Kughengu Khristo ye baptiz shipe niye I puwumoe, ikemu atsakiviu kütsü peniye ke. Eno tiye alokütsü eno pikulu vechewo kumoe, tishianguno Khristo’w kros küká hu ye adou shivepemo niye ke.

1 Kor. 1:23

Ike kughou ningu no yeda pìthíve keu Khristo ghili kütsüni keno, tiye Jewmiqo ghenguno apukhu küpsüpu shive cheni eno Jewkumomiqo ghenguno nikhanigha shive cheni.

1 Kor. 1:7

Tighenguno nongu no ningu Mpeu Jisü Khristo pephe-piye nikeu minemighei khe akeu dolo nongu ye aghungu lo ghòqo lakhimu mikhe keu shi amoe.

1 Kor. 2:1

Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe.

1 Kor. 2:4

I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke,

1 Kor. 5:4

Ike kughou nongu no kumqoni keno ni ghí aghungu lono nongu gholo anani, eno ningu Mpeu Jisü küká ghí nongu gholo anani,

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

1 Thes. 2:19

Kughou ningu Mpeu Jisü no ighini keno pa gizülo nongu jekipipu shini keu ghenguno ninguw lajupu, ningu lokiqi, momu ningu kütsükuqho ye kiu kea? Tiye nongu ke kumo keshea?

2 Thes. 2:9

Ayeza hekibideu ye Satan no kíshi mülà cheni keno tipau ghola lono ighi nani. Pa no aküka jeli kümtsü peitha no akümzapu kümlà eno akichiqhipu kichileu michipu kutomo shipe pìye nani

1 Tim. 1:4

eno panongu pelo küghakiche tsa eno ashekha küha keu alagha kughukoqo lo amlo tsü pemove peniye ke. Thime hitoi keqo ye aküpülü vechewo Alhou kümlà azüu hawo nikeu kumo no kütsalakulupu kümsükujuqo shikumto cheni.

1 Tim. 4:7

Alhou sümsamo keu küghakiche tsa eno topu-toghu tsaqo lo amlo tsü kevilo; tishini ke züqhu Alhou lau amlo tsü nikeu lo O likhi O qophe alo.

Titus 1:14

eno Jewmi’w küghakicheqo momu kuchou milive chekeu timi zakütsüqo lo amlo tsümoni.

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.