2 Peter 1:1 - Sümi Tiqhelimi Bible

¹ Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

BAIBEL (BSI)

¹ Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Sumi Naga CL (Re-edited) Bible (BSI)

¹ Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Peter 1:1 Mawu Ofanana

MATTHEW 10:2

Apostolmi chighikini je ye hipaqo ke: atüghiu no, Simon (khuu Peter ipi cheni keno) eno pa thiküzüu Andrew; Zebedee nu James, eno pa thiküzüu John;

MATTHEW 4:18

Jisü no Galilee züghi mükü lo alà cheche kelo, Simon, Peter ipi ku chekeu eno pa thiküzüu Andrew ipikeu pama athiazü, pa no ithulu. Pama ye akhakükhami kehu azüghi lo akhame vesü ae.

Luke 1:47

eno I ghungu no I Xakulu Lhou lau alovishe ani,

Luke 11:49

Hi ghenguno Alhou no pa lokütsü lono pivae. ‘I no panongu lau tungkupumi ngò apostolmiqo puwu nani eno khami pìthíve eno khami pishi-puju nani.’

John 1:42

Eno pa no Jisü lau Simon saighi. Jisü no Simon ju no pi, “No ye John nu Simon ke. No ye Cephas ipi kuniae,” (aje hipau pebide kelo ye Peter ke).

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 20:21

Itaghi Jisü no pi, “Aloino keu nongu gholo apeniu! Apù no I puwu ketoi, ni ghí nongu puwu ani.”

Apostolmi 15:14

Simon no ningu vilo Alhou no atüghi lono chhosü püzü Jewkumomiqo gholo pa je ghenguno no timi amqo lakhi kíshi kishelu keno kishékulu pivae.

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 1:12

tishi keu vechewo ningu lakhi-khi küpülü vechewo ningu lakhi no lakhi shikumtolu peniye ke.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

1 Kor. 9:1

Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

2 Kor. 4:13

Ishi yèpüani: “I no pülüluve ke ghenguno I no pivae.” Ningu ye aküpülü lhoaye aphiphi ke ghenguno ningu ghí pülü ani eno tighenguno piani,

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 2:8

Kughengu Alhou khuu Peter no Jewmiqo lau apostolmi lakhi shi akelo pa gholo mülà akeno, pa ye I no Jewkumomiqo lau apostolmi lakhi shi akeu lo ghí mülà anike.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

Ephesiami 4:5

Ampeu lakhi, aküpülü lakhi, baptiz shikepu lakhi;

FILIPIAMI 1:1

Khristo Jisü qeu Paul ngò Timothy pama no, Khristo Jisü vechewo Philippi lo Alhou’w akimthemiqo eno panongu gholo jukükütsümi eno aghinimiqo kümtsü lau yèlu ani:

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

Titus 1:4

Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

James 1:1

James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.

1 Peter 1:1

Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

1 Peter 2:7

Itehi nongu khunoqo no pülü ani keno, atu hipau ye akughupu ke. Ikemu khunoqo no pülümo keno, “Aki kishimi no atuqu milive keu no akhotou tuqu shivae,”

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

2 Peter 1:4

Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani: