1 Tim. 6:1 - Sümi Tiqhelimi Bible

¹ Aqüaxemi kuokhasü qholo akemi kümtsü no panongu mpeu ye gihu küzüpu kepi ikhilu moayesae, tishianguno Alhou je eno ningu kükütsü pipüsa keu shipemo nike.

BAIBEL (BSI)

¹ Khunoqono aqu-axemi keno pano mipemiye qhoqhu kuzupu kepi kumsululo, tishianguno timi khuu pelomu Alhou je eno Khristomi kukutsu pipusamo nani.

Sumi Naga CL (Re-edited) Bible (BSI)

¹ Khunono aqüaxe lo ani keno, pano mpemi ye qhoqhü küzü kepi kümsülu lo, tishianguno timi khuu pelomu Alhou je eno shiküka pipüsa pemonie.

1 Tim. 6:1 Mawu Ofanana

MATTHEW 11:30

Kughengu iw kuokhasü ye mülalei eno I makho ye müthüthei ke.”

MATTHEW 11:9

Tishiaye nongu ye kiu ju niye wu kea? Tungkupuu keshea? Iyei, I no nongu vilo piani, pa ye tungkupumi nguno akijeu ke.

Luke 17:1

Jisü no pa khopemiqo vilo pi, “Timi pelo axiné lo ilove pe nikeu thimeqo ye ighini pütsa, ikemu khuno vechewo tipaqo ighini keno panongu ghenguno ahaküsapue.

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 10:7

Kughou kungumi pa pütsa akeu no pa qhive no wuve keno, Cornelius no pa qemi kini eno pa ghinikishiu ghüshimi lakhi Alhou lau amlo kütsümi ishi kue.

Apostolmi 15:10

Tishiaye itehi nongu ye kushiye Alhou peju ghi nipù-asü momu ningu no puqhemla keu kuokhasü pesü Jewkumomiqo kuo lo xipipe niye pükapütsa ani kea?

Rommi 2:24

Kughengu ishi yèpüani: “Nongu Jewmi ghenguno Jewkumomiqo dolo no Alhou je pipütha cheni.”

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

Titus 2:5

alikhi aghasülu eno akimthe shilu, akibo lo mighimüghai shilu, kimiyekini shilu eno panongu kimiqo lau aghokulu shilu eno tishianguno khiu nomu Alhou tsa pipütha pemo niye ke.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.