1 Tim. 4:7 - Sümi Tiqhelimi Bible

⁷ Alhou sümsamo keu küghakiche tsa eno topu-toghu tsaqo lo amlo tsü kevilo; tishini ke züqhu Alhou lau amlo tsü nikeu lo O likhi O qophe alo.

BAIBEL (BSI)

⁷ Ikemu noye Alhou sumokeu kughakichetsa eno topu-toghu tsa launo putosuluvelo. Noye Alhou lau amlo tsukeu kuxulo oqophe alo.

Sumi Naga CL (Re-edited) Bible (BSI)

⁷ No ye Alhou sümokeu eno ameküküha küghakiche tsa launo putosülo. Ikemu Alhou lau amlo tsükeu küxü lono o qophe alo.

1 Tim. 4:7 Mawu Ofanana

Apostolmi 24:16

Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

1 Tim. 1:4

eno panongu pelo küghakiche tsa eno ashekha küha keu alagha kughukoqo lo amlo tsü pemove peniye ke. Thime hitoi keqo ye aküpülü vechewo Alhou kümlà azüu hawo nikeu kumo no kütsalakulupu kümsükujuqo shikumto cheni.

1 Tim. 1:9

Ningu no itaghi ithi akeu no ayeza ye achipimiqo ghenguno mülà püamoe ikemu hipaqo ghenguno mülà püani: ayeza hekibidemi eno lakichilemiqo, alhou sümsamo kemi eno axinemi, akimthe kumomi eno alhou pülümo kemi, apù eno azá noqo pìthí chekemiqo, hekiqhimiqo,

1 Tim. 2:10

ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 4:8

Kughengu aphimpi qokiphe lo ameküa hami acheni ikemu Alhou lau amlo tsü keu lo thime kümtsü ghenguno ameküapu anie. Kughengu tishi keu hu no itehi xü akeu ngò ighi niye akeu küxü küma ghenguno pikiqhi pesü anike.

1 Tim. 6:11

Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

1 Tim. 6:3

Tsalá khuala no ningu kükütsü gholo kunodi ghi kütsü no ningu Mpeu Jisü Khristo’w mütsümishei keu shikakütsü eno Alhou lau no ighi keu shiküka gholo puloküqhamo aye,

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Tim. 2:16

Alhou sümsamo keu tsa za chekemi lau no putosüvelo, kughengu khunoqo no tishi cheni keno panongu ye alau shi Alhou sümsamo keu lo xüwuve nani.

2 Tim. 2:23

Nikhanigha eno anikha kikigheqo lo chhosü kevilo, kughengu tipaqo no kiyi-muto keu süghive cheni kepi nono ithi anie.

2 Tim. 3:12

Kuchou lo ye, khukhumu Khristo Jisü vechewo Alhou sümsa keu küxü xü nishi kemi ye pishi-puju nani,

2 Tim. 3:5

Panongu ye Alhou sümsa ke ghili shi nani ikemu Alhou küká milive anani. Timi hitoi kemiqo lau no putosü alo.

2 Tim. 4:4

Panongu ye kuchou lau no panongu kìní kughove no küghakiche tsa küdau kughosü wuve nani.

Titus 1:14

eno Jewmi’w küghakicheqo momu kuchou milive chekeu timi zakütsüqo lo amlo tsümoni.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Titus 3:9

Ikemu nikhanigha shi kütsalakile keu eno apù-asü kughuko ghili, eno ayeza ghili kütsala momu kighe keu shi kevilo, kughengu hi kümtsü kiumu alá shilu kepu küha eno avehupu küha ke.

IBRIMI 5:14

Ikemu akümka chuqu ye asatheve kemi khunoqo no tamo no pükapütsa keu vechewo küsakügha lau no akivi kimchilu nikeu lo pano likhi panongu peitha qopheluvea keno panongu ghenguno ke.