1 Tim. 4:12 - Sümi Tiqhelimi Bible

¹² Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

BAIBEL (BSI)

¹² Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

Sumi Naga CL (Re-edited) Bible (BSI)

¹² Timi khuu pelomu no ye lhothemi kepi o jukünatha pekevilo, ikemu atsapi lo, ghushoghili lo, kikimiye lo, aküpülü lo eno mtsümishei keu küxü lo, küpülümi lau kichekipiye shilo.

1 Tim. 4:12 Mawu Ofanana

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

1 Kor. 11:1

I no Khristo kimihi shi ketoi nongu ghí pa kimihi shilo.

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

1 Thes. 2:10

Ningu ye kíshi akimthe shi, amikucho shi eno tukutiye küha no nongu pülüluve kemiqo gholo ache keno nongu ye tipauw thopimiqo ke, eno Alhou ghí tipauw thopi ke.

1 Tim. 1:14

Khristo Jisü gholo aküpülü eno kikimiye akeu gholo no ningu Mpeu’w küpükini I lau kupukuno shi lepuku tsüke.

2 Tim. 2:15

Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

2 Tim. 2:22

Lhothemi shi akelo küsakügha kümlà shinishi chekeu lono pove lo eno amlo kimthe shi no Ampeu vilo khu chekemiqo gholo küqha no achipiumikucho, aküpülü, kikimiye eno aloino keu phulo.

2 Tim. 2:7

I no kiu piani keno tipau kümsükutoju lo, kughengu Ampeu no hipaqo kümtsü lo juchholu kepu O tsü nani ke.

Titus 2:15

Tishiaye, no ye hipaqo vehu pesü shika moayesae. Kükagha kümtsü pephe no shikumto eno alòmi pilo. Khiu pelomu O jukünatha pe kevilo.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

James 3:13

Nongu dolo khuu no alokütsümi eno vethakulumi kea? Panongu pelo aküxü kivi vechewo ti pìye pelo, tiye alokütsü vechewo ipeghi chekeu aqhokigheu kümlàqo shilu keu vechewo no ke.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

1 Peter 5:3

Nongu pelo tucho-heju peniye pichebetsü kemiqo shou ampeu shi kevilo, ikemu Alhou’w ambe lojiqo zülo xüpiye kemi shilo.