1 Tim. 3:7 - Sümi Tiqhelimi Bible

⁷ Pa ye akukuhomi kumo kemiqo gholo ghí aju-aje kivimi lakhi shi aghí moayesa, tishianguno pa pelo aju-aje küsapu lo ikiqive no tüghami lichhe lo ilove pemo niye ke.

BAIBEL (BSI)

⁷ Pa ye akukuho kumomiqo gholo ghi pa ghili kivi pikemi aghimasae, tishianguno pa pipusamo nani eno Tughami lichhelo ilomo nani.

Sumi Naga CL (Re-edited) Bible (BSI)

⁷ Tinguno alau, pa ye akukuhomi kumo kemi ghi pa kivi pi kemi shiaghi masae, tishianguno pa ye ajuaje küsa lo ikiqimo nani eno tüghami lichhe lo ilomo nani.

1 Tim. 3:7 Mawu Ofanana

Mark 4:11

Jisü no panongu vilo pi, “Alhou kükaphuw tuqhou ye nongu tsüvae. Ikemu khalau akemiqo ghengu ye thowkha kümtsü aholetsaqo lono piani

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 22:12

“Timi lakhi Ananias ipikeu no I sasü kusho nike ighi. Pa ye amlokütsü shi ayeza pelu chekemi eno Jewmi tile xüküami kümtsü no akiqheu lono gihu chekemi ke.

Apostolmi 6:3

Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.

1 Kor. 5:12

Akukuhou nguno khalau akemi shou küghathebe akepu I vehu kiu ani kea? Khunoqo no akukuho nguno khalau ani keno Alhou no panongu shou küghathabe nani. Ikemu nongu ye akukuhomi khunoqo axiné shi cheni keno panongu shou küghathabemo nani keshea? “Nongu dolo küsaküghau timi hu ye hapheve lo.”

2 Kor. 6:3

Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe.

2 Kor. 8:21

Kughengu ningu ye Alhou zülo likhi kumo no timi nhekithe lo ghí kiu no achipiu keno tipau shini ke aghime shi mülà acheni ke.

Kolosiami 4:5

Alhou pülümo kemi gizülo nongu ye alokütsü shi no xü pìyelo; eno adokivi ithukulu kümtsü akivishi peitha lo.

1 Thes. 4:12

tishi keu lono nongu küxü lhoaye vechewo Alhou pülü chemo kemiqo pelo nongu gihu peniye ke eno nongu pelo khuu shoumu pükhü pemo niye ke.

1 Thes. 5:22

küsakügha jeli kümtsü milive lo.

1 Tim. 3:6

Pa ye anileshi Khristo chineye lukemi shi aghí kepu kumoe, tishimo aye pa ye aqheküza shive no tüghami paphi shi küghaküthapu lo ilove nosake.

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

1 Tim. 6:9

Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

2 Tim. 2:26

eno tishilu aye panongu ye alotsüluve no tüghami khuu no pa pulou shipe niye panongu pesü akughu shive keno pa lichhe lono pokajoluve nani.

Titus 2:5

alikhi aghasülu eno akimthe shilu, akibo lo mighimüghai shilu, kimiyekini shilu eno panongu kimiqo lau aghokulu shilu eno tishianguno khiu nomu Alhou tsa pipütha pemo niye ke.

Titus 2:8

eno O tsapi lo thaighamla kepu shi mütsümishei shilo, tishianguno O mujochile chekemi pelo ningu ghili lhoküsa kiumu pi kepu küha kelau no kujove penike.

3 John 1:12

Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.