1 Tim. 3:15 - Sümi Tiqhelimi Bible

¹⁵ I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

BAIBEL (BSI)

¹⁵ ino munuvekepu shive namu nonguye Alhou kibolo, xuachekeu Lhou kukuhoulo kishi mlaithakepu keno hipau yesu lono ithipeniyeke. Akukuhouye kuchou tsukucho eno aboqhake.

Sumi Naga CL (Re-edited) Bible (BSI)

¹⁵ I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

1 Tim. 3:15 Mawu Ofanana

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 18:18

“Kuchou no I no nongu vilo pìní, nongu no ayeghi lo kiu-kiumu khave aye kungugha lo ghí khave nani eno nongu no ayeghi lo kiu-kiumu kuqhove aye kungugha lo ghí kuqhove nani.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 6:69

No ye Alhou’w Akimtheu Lakhi kepi ningu no ithivea eno pülüluvae.”

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Rommi 9:26

eno, “A-a khilehi no panoqo vilo, ‘Nongu ye iw timi kumoe,’ ipipüa keno a-a tipau lono panongu vilo ‘xü akeu Lhou nuliqo,’ ipi ku nani.”

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

2 Kor. 3:3

Nongu ye ninguw pichebekümlàw visavili ke eno Khristo lau no ighi keu yèsü lakhi kepi pìye ani. Yèsü tiye akiyezü no yèpüamoe ikemu xü akeu Lhou Ghungu no yèpüani eno tiye atu lipha shou kumo no timi mlo liphaqo lo yèpüani ke.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

Galatiami 2:9

Atsükuchoqo toi gihu chekemi James, Cephas eno John noqo no kughou I lau küpükini tsüpüa keu kimchilu keno panongu no kuposhulu keu michi shi Barnabas nikujo sasü au ajeu no petha shilu. Tisheno panongu no Jewkumomiqo lau ningu no wu moayesa, eno Jewmiqo lau panongu no wuni kepi pulolue.

Galatiami 3:1

Nongu Galatiami nikhanighaqo! Khuu no nongu chini-küghüzüvea kea? Nongu nhekithe lono Jisü Khristo yedapithive keu mütsümishei pìyevae.

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

1 Tim. 3:14

Ni ye nongu lau pai ighi niye laju ani kemu I no nongu lau shikakütsü hipaqo yè akeu ye

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 3:2

Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,

1 Tim. 3:5

Khiuala no pa likhi pa kibo tucho mtha aye, pa ye kíshi no Alhou’w Akukuhou tucho luni kea?

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

2 Tim. 2:20

Aki kijè lakhi lo ye ameshoyi ngò ghükayi nhemügha likhi anike kumoe, ikemu asǜ ngò aghani pesü mülà keu ghí ani; khami no paküta keu kimiji ghenguno eno khami no inapügha peitha nikeu ghenguno ke.

IBRIMI 10:21

eno ningu ye Alhou ki lo achinetomiqo shou akijeu lakhi anike ghenguno,

IBRIMI 12:22

Ikemu nongu ye Zion naghuto, xü akeu Alhou’w mishighüna, kungugha Jerusalem lo ighivea ke. Nongu ye kungumi qhethonhe shou qhethonhe no alokiqipu shi kumqo pe akeu lo ighivae,

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 4:17

Kughengu hiye Alhou kibolomi dolo no küghakütha huthu nikeu do tovae; eno tsalá ningu lau no huthu aye, khunoqo no Alhou tsakiviu gholu chemo keno panongu ghengu ye kiu shive nani kea?

Piyeküsü 7:2

Tipathiu kipelau no kungumi kütau ipeghi keu I no ithulu, pa ye xü akeu Lhou’w chishida kepu pesü ae. Pa no asütsa kuloghi lono ayeghi ngò azüghi shipüsa peniye aküka tsüpüa keu kungumi pano bidí vilo ishi pi: