1 Tim. 2:8 - Sümi Tiqhelimi Bible

⁸ Tighenguno a-a kümtsü lo kipitimiqo pelo amloidemo momu kütsalamo no akimthe u peqhe no inikhu penishi ani.

BAIBEL (BSI)

⁸ Kuhoke kumtsulo niye kiptimi pelo inikhu penishi. Ikehu, kiptimi khunoqono akuxu pesu Alhou tsuveakeno tipaqo ye aqha kumtsulo a-u peqhe pesu akighini shipenishi keuno ipulouke, ikemu timi tipaqoye axuidekeu eno mutomushukeu shimokepue.

Sumi Naga CL (Re-edited) Bible (BSI)

⁸ Ikehu, ni ye kiptimi pelo axuide eno kütsala mono aqha kümtsü lo pano u kimthe peqhepe akighini shipeni shi;

1 Tim. 2:8 Mawu Ofanana

MATTHEW 21:21

Jisü no khochile, “Kuchou no I no nongu vilo pìní, tsalá nongu no lipimo no aküpülü aghí aye, nongu no mububo shou kiu shive keno tilikhi kumo, ikemu nongu no naghuto hipau vilo, ‘wuvelo, O pesü azüghi lo vesüve lo,’ ipi aye tishive nani.

MATTHEW 5:44

Ikemu I no nongu vilo piani, O ghümi kimiye lo eno khunoqo no nongu pishi-puju cheni keno panongu ghenguno inikhu tsülo,

MATTHEW 6:12

Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

Luke 23:34

Jisü no pi, “I pù, panongu kipimí qhitsülo, kughengu panongu ye panongu no kiu shi ani keno ithi amoe.” Eno panongu no asaqhi no paw tiphimini kijéluve.

Luke 24:50

Kughou Jisü no panongu sasü Bethany kupunú lo wu keno, pa no pa u peqhe püzü panongu kümgha tsü.

John 4:21

Jisü no khochile, “Totimio, I pülülo, kughengu nongu ye naghuto hipau lo ke kumo no Jerusalem lomu Apù mülámove nikeu do wo chenie.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

Apostolmi 21:5

Kughou wuve kepu do tove keno, ningu ye tipa-a qhive no ningu là lo cheve. Panongu kümtsü anipu eno anuliqo sasü ningu gholo no mishighüna khalau kutólo ighi, eno azüghi mükü lo ningu qhoqhünhe pe no inikhue.

Apostolmi 7:60

Tisheno pa ye qhoqhünheluve no ighamuku pi, “Ampeu, hipau xiné panoqo shou betsü kevilo.” Pa ye hi pive kethiu thive.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 7:7

Ni ye nongu kümtsü pelo I toi aghipe nishi anie. Tishimu nongu pütüta shélo Alhou lau no ithulu keu ghò anie; milakhi ye aghò hipau eno kütami lakhiu ye aghò kütau ishi akhanie.

2 Kor. 2:14

Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni.

FILIPIAMI 1:12

Athiküzümi eno achelimiqo, kuchou lo ye I lau kiu shive keno tino atsakiviu pekholu kepu shilu kepi ni ye nongu pelo ithi penishi ani.

1 Thes. 1:8

Ampeu kükütsü sütsa nongu vechewo ipeghi akeu ye Macedonia ngò Achaia lo likhi kumoe, ikemu Alhou lau nongu küpülü akeu ye aqha kuchopu ithive ake. Tighenguno hipau vehu lo ningu ye kiumu pi kepu kühae,

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.