Biblia Todo Logo
Baibulo la pa intaneti

- Zotsatsa -




1 Tim. 1:9 - Sümi Tiqhelimi Bible

9 Ningu no itaghi ithi akeu no ayeza ye achipimiqo ghenguno mülà püamoe ikemu hipaqo ghenguno mülà püani: ayeza hekibidemi eno lakichilemiqo, alhou sümsamo kemi eno axinemi, akimthe kumomi eno alhou pülümo kemi, apù eno azá noqo pìthí chekemiqo, hekiqhimiqo,

Onani mutuwo Koperani

BAIBEL (BSI)

9 Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

Onani mutuwo Koperani

Sumi Naga CL (Re-edited) Bible (BSI)

9 Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

Onani mutuwo Koperani




1 Tim. 1:9
45 Mawu Ofanana  

“Athiküzüu no athiküzüu thechu shive no pìthíve nani, eno titoi apù no anu lau shi nani; anuliqo no panongu pù-aza mjochile nani eno panoqo pìthíve nani


pipütha chekemi, Alhou kimthimi, ayiküsami, akuchhoma eno aqheküzami; panongu ye küsakügha shi chekeu laghi iqikiphemi; panongu ye panongu pù-aza hebide cheni;


Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.


Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,


Axiné ye nongu mpeu shimae, kughengu nongu ye ayeza qholo kumo no küpükini qholo xü anike.


Tishiaye kushiye ayeza tsüpüani kea? Ayeza ye ayeza hebideve keu ithi pe nikeu ghenguno süke, tiye Abraham tikughuko khuu lau pikiqhi shipüa keno pa no ighimo ke kutó ghenguno ke. Alhou no pa yeza kungumiqo vechewo Moses khuu Alhou eno timi dolo lakipiu keno pa tsüke.


Ikemu Aghungu no nongu sasü che aye, nongu ye ayeza qholo kumovae.


eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.


mtshaivü keu eno küsüqhikulu ke. Hitoi keqo shou ye ayeza kiumu kühae.


Tishive no ayeza hekibideu pephe-piye nani. Ikelo Ampeu Jisü no pa kichí tuthu no ayeza hekibideu hu pìthíve nani eno pa no qhivütsüni ighi keu vechewo ayeza hekibideu kütsakungove nani.


Alhou sümsamo keu küghakiche tsa eno topu-toghu tsaqo lo amlo tsü kevilo; tishini ke züqhu Alhou lau amlo tsü nikeu lo O likhi O qophe alo.


Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,


Alhou sümsamo keu tsa za chekemi lau no putosüvelo, kughengu khunoqo no tishi cheni keno panongu ye alau shi Alhou sümsamo keu lo xüwuve nani.


Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,


Kughengu hebide chekemi kutomo ani, ameküha keu küküpütsa eno pishikiqhi no chhitoi akemi, tiye akhotoshi aphighüyiko-küghá mqo lo akemiqo ke.


Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.


Kichimi lakhi ye tukutiye küha kemi, pa nipu lau amikucho shi chekemi shi aghí moayesa, pa nuliqo ye küpülümi shi aghí moayesa eno ghasü kümlà momu aghokulu kumomi shikepu kumoe.


Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.


Aküpülü vechewo kütüqhami Rahab ye khunoqo no hebide cheni keno panoqo gholo no pìthívemo ke, kughengu li no pukujumiqo sasǘ ke.


Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.


Itehi nongu khunoqo no pülü ani keno, atu hipau ye akughupu ke. Ikemu khunoqo no pülümo keno, “Aki kishimi no atuqu milive keu no akhotou tuqu shivae,”


tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,


Eno, “Tsalá amikuchomi ghenguno xalu nikeu kushokütsü shi aghí aye alhou kümthami eno axinemi ghengu ye kiu shive nani kea?”


kümtsü shou küghathabe niye cheni, tiye panongu lhou kümtha vechewo alhou kümtha kümlà küxü ghenguno panongu kümtsü akipimí tsü niye, eno alhou mtha kemi axinemiqo no pa lau lakichile tsa pikeu ghenguno ke.”


Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”


Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.


Titsatireni:

Zotsatsa


Zotsatsa