1 Tim. 1:5 - Sümi Tiqhelimi Bible

⁵ Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

BAIBEL (BSI)

⁵ Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

Sumi Naga CL (Re-edited) Bible (BSI)

⁵ Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 Tim. 1:5 Mawu Ofanana

MATTHEW 12:35

Timi kivimi no pa mlo lo akivi pekütsüpüa keu lono akivi pephe cheni, eno küsaküghami no pa mlo lo küsakügha pekütsüpüa keu lono küsakügha pephe cheni.

MATTHEW 5:8

Amlo mithemithei kemi kümghae, kughengu panongu ye Alhou ithulu nani.

Apostolmi 15:9

Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

Apostolmi 24:16

Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Rommi 12:9

Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

Rommi 14:15

Tsalá nono kiuala chu keu ghenguno O thiküzümi momu O chelimi pukhu küpüsüpu shive aye, no ye kikimiye lono xü anike kumovae. O chuqu pelo timi khuu ghenguno Khristo thive keno tipau shipüsave pe kevilo!

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

1 Tim. 3:9

Panongu ye alolo kighithi mütsümishei shi no aküpülü thonhei keu kuchou hu tsüqüpe moayesae.

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

2 Tim. 2:22

Lhothemi shi akelo küsakügha kümlà shinishi chekeu lono pove lo eno amlo kimthe shi no Ampeu vilo khu chekemiqo gholo küqha no achipiumikucho, aküpülü, kikimiye eno aloino keu phulo.

Titus 1:15

Amlo kimthemi ghengu ye thowkha kümtsü akimthe ke, ikemu shikuchubeve kemiqo ngò pülümo kemiqo ghengu ye kiumu akimthe kühae. Kuchou no, panongu kükümsü ngò alolo kighithi kinikujo shikuchubevea.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 13:18

Ningu ghenguno inikhu tsülo. Ningu ye alolo kighithi eno thowkha jeli kümtsü lo agigihupu küxü xü nishi keu mütsümishei ani.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

1 Peter 4:8

Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 3:23

Eno pa zakütsü ye hipau ke: pa Nu Jisü Khristo je lo pülübe nikeu, eno pa no azah tsüve keu toi lakhi no lakhi kimiye nikeu ke.

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.