1 Peter 5:5 - Sümi Tiqhelimi Bible

⁵ Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

BAIBEL (BSI)

⁵ Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

Sumi Naga CL (Re-edited) Bible (BSI)

⁵ Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

1 Peter 5:5 Mawu Ofanana

Luke 22:26

Ikemu nongu ye tishi kepu kumoe. Tishini ke züqhulo nongu gholo akijeu no akitilau toi moayesa, eno khuu no ayè pe ani keno pa ye aqeu toive moayesae.

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Ephesiami 5:21

Khristo gihu akeu ghenguno lakhi no lakhi qhoqhü lo.

FILIPIAMI 2:3

Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

1 Tim. 5:1

Ayiküsa shi layemi lomipi kevilo, ikemu nongu papù lau toi pa qhüinijulo. Athiküzümi toi apumiqo peitha lo,

IBRIMI 13:17

Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

1 Peter 4:1

Tighenguno, Khristo ye pa phimpi lo imeve ake ghenguno, nongu ghí titoi keu kükümsü athoshi pulo, kughengu khukhumu aphimpi lono ime keu ye axiné shichemoe.

1 Peter 4:5

Ikemu panongu ye khuu no küxümi eno kithimi shou küghathabe nike kutò pe ani keno pa lau kihikülai tsü moayesa nani.