1 Peter 5:12 - Sümi Tiqhelimi Bible

¹² Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

BAIBEL (BSI)

¹² Pukhubekulu athikuzuu ipi ino kihichekeu Sila kukuphu lono yesu hipau ikhonhei shi nongu lau ino yepuwulu ani. Ino nongu shikumto eno hakiteghi pitsuanike hino Alhou kukumgha kuchou ke. Hipaulo mutotoi puthugho chelo.

Sumi Naga CL (Re-edited) Bible (BSI)

¹² Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 Peter 5:12 Mawu Ofanana

John 21:21

Kughou Peter no pa ithulu keno, pa no iniju, “Ampeu, pa ye kíshi nani kea?”

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

1 Kor. 15:1

Athiküzümi eno achelimiqo, itehi ni ye nongu lau I no atsakiviu kütsü keu, khikhi nongu no ikhilu eno tipau shou puthugholuva keno, tipau nongu lau pikithe nishi ani.

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

2 Kor. 1:24

Ningu no nongu küpülü shou ampeu ke kumoe, ikemu ningu ye nongu lokivipu ghenguno nongu gholo mülà küqha acheni, kughengu nongu no aküpülü vechewo ithamo no puthugho acheni ke.

Ephesiami 3:3

tiye, I no ikhonhei shi yèpe qhipüa keu toi piyeküsü vechewo I lau Alhou’w tuqhou pìye keu ke.

Ephesiami 6:21

Ampeu lono pichebekulu qeu eno kimiye chekeu athiküzüu Tychicus no nongu vilo kümtsü pi nani, tishianguno nongu ghí ni ye kíshi ani eno ni ye kiu shi ani keno ithilu peniye ke.

Kolosiami 1:7

Nongu ye ningu no kimiye chekeu eno aqeu aküsàu Epaphras, khuu ningu züqhu shi Khristo’w pichebekulu qeu lakhi keno, pa lau no kikimiye shikalu ke,

Kolosiami 4:7

Tychicus no nongu vilo I ghili kishékulu pitsü nani. Pa ye ningu no kimiye chekeu athiküzüu, pükhübekulu qeu eno Ampeu lono qe küqha akemi lakhi ke.

Kolosiami 4:9

Tychicus ye athiküzüu Onesimus khuu nonguw timi eno ningu no pülübe eno kimiye acheni keno, pa gholo no cheni. Hilau kiu kíshive ani keno thowkha kümtsü panongu no nongu vilo pi nani.

1 Thes. 1:1

Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

2 Thes. 1:1

Yesǜ hipau ye Paul, Silas eno Timothy no, Ningu Papù Alhou eno Ampeu Jisü Khristo lono Thessaloniami kukuhou lau yèlu ani:

IBRIMI 13:22

Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.

2 Peter 1:12

Ike nongu no tipaqo ithi aghí namu eno nongu no itehi kuchou pighi akeu lo ithamo no ngo aghí namu ni ye alhokuthu nongu vilo thime hipaqo ghili pikithe anani.

2 Peter 2:15

Panongu ye müzüchoi keu laghi qhive no Balaam nu Bezer, khuu küsakügha jume kimiye cheni keno, pa laghi pape niye kawuvae.

3 John 1:12

Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.