1 Peter 4:8 - Sümi Tiqhelimi Bible

⁸ Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

BAIBEL (BSI)

⁸ Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.

Sumi Naga CL (Re-edited) Bible (BSI)

⁸ Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

1 Peter 4:8 Mawu Ofanana

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

1 Kor. 13:4

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

Kolosiami 3:14

Eno alhoaye kivi hipaqo kümtsü shou kikimiye pepulo, kughengu kikimiye no alhoaye kiviqo kümtsü kupukülai shi tsüghaküqha tsü cheni.

1 Thes. 3:12

Ningu no nongu kimiye keu toi, Ampeu no nongu pelo lakhi no lakhi kimiyelu eno timi kümtsü kimiye keu lo alau thuwulu eno qochili apeniu.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

James 5:12

Athiküzümi eno achelimiqo, kümtsü nguno alau, kungugha momu ayeghi momu kiu-kiumu pesü tushoqhi kevilo. Nongu no pi moayesa keu ye mülalei shi “Iyei” momu “Moe” likhi pi moayesae. Tishimo aye nongu kiléqhive nani.

James 5:20

hipau kümsüchilelu lo: Khukhumu axinemi lakhi shipimi keu laghi lo cheche keu lono sachile saighi aye axinemi tipaqo küxü akithí lono xalu anie, eno axiné kutomo pevetsülu kepu shilu anie.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

3 John 1:2

I no kimiye chekeu I küsàu, no ye thowkha kümtsü alo aghí nani eno O ngulho ngò O shi-aji akivishi aghí nani kepi pülü ani.