1 Peter 4:14 - Sümi Tiqhelimi Bible

¹⁴ Tsalá Khristo je ghenguno nongu shikukujo aye, nongu ye müghae, kughengu ajuküvü Ghungu eno Alhou Ghungu no nongu shou anie.

BAIBEL (BSI)

¹⁴ Nonguno Khristo timi shiveke ghenguno timino nongu thaigha aye tiye nongu lokivipue; tipau kiqiye Akimthe jukuvupu Ghungu, Alhou Ghungu no nongu shou anike.

Sumi Naga CL (Re-edited) Bible (BSI)

¹⁴ Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

1 Peter 4:14 Mawu Ofanana

MATTHEW 5:11

“Kughou I ghenguno timi no nongu thaigha, pishi-puju eno akimiki lono küsakügha jeli kümtsü pesü nongu shou pipukuni keno nongu kümghae.

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

Luke 6:22

Kughou Timi Nu ghenguno timi no nongu mithi, nongu leve, nongu thaigha eno küsakügha kepi nongu jeku nike no, nongu kümghae.

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

John 8:48

Jewmiqo no pa khochile, “No ye Samariami eno tüghaküsa no tsüghape akemi kepi ningu no pikeu ye achipi ke kumo keshea?”

John 9:28

Ikelo panongu no timi hu shikukujoqhi no pi, “No ye timi hipau khopemi ke! Ningu ye Moses khopemiqo ke!

John 9:34

Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 18:6

Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

Apostolmi 28:22

Ikemu ningu ye O kükümsü ithinishi ani, kughengu ningu no ithi akeu no aqha kümtsü lo timiqo ye achineye mqo hipau lachile keu tsa piakhani ke.”

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

2 Kor. 4:10

Ningu ye alhokuthu ningu phimpi lo Jisü kithí xapu acheni, tishianguno Jisü küxü ghí ningu phimpi lo pephe-piye lupe niye ke.

2 Kor. 4:16

Tighenguno ningu ye amlo hauve chemoe. Ningu phimpi ye tsümave aya kemu ningu lolo ye tsalà kipetsü akithé shikitheve tsü ani.

Galatiami 1:24

Tisheno I ghenguno panongu no Alhou sheqhe ke.

IBRIMI 11:26

Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

James 5:11

Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 3:14

Ikemu tsalá nongu no kiu no achipiu keno tipau ghenguno imeve kepu shi aghimu, nongu ye akümghapu ke. “Panongu no kichiqhi keqo lo msà kevilo; nongu shikümsave pe kevilo.”

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 4:16

Ikemu, tsalá nongu Khristomi lakhi shi no ime aye, kujo akevilo, ikemu nongu no aje tipau xapu akeu lo Alhou sheqhelo.

2 Peter 2:2

Kutomo no panonguw shiküpsa süqeghili pape nani eno aju-aje küküha pesü kuchou laghi lo süghi nani.