1 Peter 3:8 - Sümi Tiqhelimi Bible

⁸ Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

BAIBEL (BSI)

⁸ Ashekhashi, nongu kumtsu akukumsulo ngo amlo imekeulo lakhishi kuqhakulu shilo; athikuzumi kimiyekile ketoi lakhino lakhi kimiyelo eno lakhino lakhi lau amlo kumtsha eno ivunheyi shilo.

Sumi Naga CL (Re-edited) Bible (BSI)

⁸ Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 3:8 Mawu Ofanana

MATTHEW 18:33

I no O kimiyeqhiyive keu toi, no ghí O küsàmi aqeu lau kimiyeqhiyi keu pìye mülave keshea?’

Luke 10:33

Ikemu Samariami lakhi kicheghüzü shi chekeu no tipau-a lo ighino timi hu ithulu kelo ighono pa kimiyeqhiyive.

Apostolmi 2:1

Kughou Pentecost tsalà tove keno panongu kümtsü amqo shi a-a lakhi lo ngoa.

Apostolmi 27:3

Tishiwo thoghiu ningu ye Sidon toluve; ikelo Julius no Paul küpüqhiyi kehu, pa no avehupu shi akeqo tsüpe niye pa küsàmiqo lau wulu pe.

Apostolmi 28:7

Tipau-a phivilo züdoyeghi lo ampemi shou atou Publius’w aluche lakhi ae. Pa no pa ki lo ningu sasǘ tsü eno atsala küthü kutólo tsükini-jekini shi ningu lojí tsüe.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

Rommi 15:5

Nongu pelo amlo lakhi eno asütsa lakhi lono Alhou eno ningu Mpeu Jisü Khristo Papù juküvü shilu penike ghenguno kutuukulu eno shikumto tsü chekeu Lhou pelo Khristo Jisü toi nongu dolo akükümsü lakhi lono xülu penike kuphutsü peniu.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 12:26

Aphimpi gholo aphi-au lakhi no imeve aye, aphi-au kümtsü tipau gholo ime küqhave cheni; eno aphimpi lo aphi-au lakhi sheqhe aye, aphi-au kümtsü tipau gholo alovishe cheni.

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

Ephesiami 4:31

Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

Ephesiami 4:32

Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

FILIPIAMI 2:3

Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

FILIPIAMI 3:16

Tishiaghi namu ningu ye ningu no kiu ithuluva keno tipau qhemi xüni nolo.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

James 2:13

kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

James 5:11

Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:17

Kümtsü lau agigihu achipi shi pìyelo, athiküzümi eno achelimi küpülümiqo kimiye lo, Alhou sümsa lo, qhasükükau gihu lo.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 John 3:14

Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.